Kobanê de Komxebata Jineolojîye dest pêkerde

2019-09-25 14:34:37


	 

	KOBANÊ - Şaristanê Kobanê de pê şîara "Verba cinsîyetperestîya komelî ma vanê Jineolojîye" komxebatêk yena viraştene.

	 

	Hetê Merkezê Cigêrayîşî yê Jinolojîye yê Herêma Firatî ra Kobanê de komxebata Jineolojîye yena viraştene.

	 

	Komxebate merkezê şaristanî de yena viraştene û heme endamê Merkezê Cigêrayîşî yê Jineolojîye, temsîlkarê dezgehan ê xoseran û partîyê sîyasî tewrê ci bîyî. Salona komxebate de pankarta bi nuşteyê "Jineolojî seba sazkerdişê cuya azade û hempare", fotografê Rayberê PKKyî Abdullah Ocalanî û şehîdanê têkoşînî yê azadîye ameyî daliqnayene. Komxebate de do babetê 'cinsîyetperestî ya komelî', 'zewecê serranê qijan' û 'şîdetê verba cinîyan' bêrê munaqeşekerdene.

	 

	Komxebate bi erjnayîşê beşê zayendperestîyê komelî hetê Endamê Koordînasyonê Kongreya Star ya Herêma Firatî Mizgîn Xelîle ra yena şîrovekerdene. 

	 

	Komxebata Jîneolojîyî ya Herêma Firatî dewam de ya.