Serra vîyarte de varan emsar zî germbîyayîş tesîr kerd: Citkarî mexdûr ê 

2019-09-25 13:51:05


	 

	Medîne Mamedoglu

	 

	MÊRDÎN - Herême de berhemêke emsar citkaran kêm ci ra girewt gilgil bi. Citkaran dîyar kerdî ke serra vîyarte seba varanê zêde emsar zî seba germbîyayîşê gilgil kêm bîyo û va wina şêro do berardiş zî nêmano.

	 

	Deşta Mezopotamyayî yew xidayêke tewr zêde yeno ramitiş gilgil o. Deşta herême ra, berhemê tewr zêde yenê ramitiş peme, genim, gilgil o. Emsar rîyê citkaran nêhuya. Halîde Îlerî da zanayîş ke emsar zî seba germbîyayîşê citkaran zirarêke pîl dîyo û va pereyê ke berardiş ra bêrê zî qîmê şîyayîşê ramitişê înan nêkeno.

	 

	'Sera 50ê gilgilan veng bi'

	 

	Halîdeye wina va: "Serra vîyarte de varan emsar zî germbîyayîş bitesîr bi. Emsar seba germbîyayîş berardiş kêm bi. Ma kedêke pîl danê. Ramitiş ra heta awdayîş bi aşman ma zehmetîyê pîl ancenê. La bi hîrê mewsîmî yo tu averşîyayîş nêame ciwîyayîş. Hîrê wexto ke gilgilê înan wina beno. Hema tam nêvirazîyayo ma ewnîyenê zerreyê înan veng o. Sebebê ci zî varano zêde yo, germbîyayîş û awdayîşê kêmî yo. Nika seba germî ma ewnîyenê ke pêro gilgilê ma veng ê. Gerek dewlete heqê mexdûriyetê ma bido. Berardiş zaf kêm o. Wina şêro do her kes erdan terk bikero. O wext do berardiş zî nêmano."

	 

	'Mewsîm tesîr serê berardişan keno'

	 

	Muhendîsê Zîratî Burhan Bulutî zî derheqê babete de qisey kerd û va: "Di serrî yo problemê cidî estê. Bi taybet varan û germbîyayîş tesîrêke pîl keno. La emsar problemê ma gilgil o. Nika ma baskêke gilgil bigîrê û biewnê zereyê ci ra veng o. Sebebê ci zî germbîyayîşê zêde yo. La gerek ma çareserîyêke bivînê. Seba ke citkar zaf mexdûr benê.”