Îspanya de cinîyî vera şîdetê serê cinîyan vejîyayî kuçeyan 

2019-09-21 13:36:34


	 

	MERKEZÊ XEBERAN - Îspanya de cinîyî bi desan bajaran de vejîyayî kuçeyan û bi çalakîyan şîdetê serê cinîyan protesto kerd.

	 

	Îspanya de serra 2003 ra nata tewr tay hezar cinîyî hetê mêrdeyanê xo ra ameyî kiştene. Cinîyê ke vera qetilkerdişê cinîyan bihers ê vejîyayî kuçeyan û bi çalakîyan şîdetê serê cinîyan protesto kerd.

	 

	Bi desan bajaranê Îspanya de cinîyan çalakîyî viraştî û bale ante serê tecawuz û qetilkerdişê cinîyan ê ke demo peyên de zêdîyayî. Îspanya welato verên ê Yewîya Ewropa yo ke 2004 de vera şîdetê serê cinîyan qanûnêko hîra amade kerd. Reyna 2017 de bi qenûnêko bîn amebi vetene û vera şîdetê serê cinîyan gamêka bîne amebî eştene la çîyêk nêbedilya. Emser tewr tay 42 cinîyî ameyî qetilkerdene.