
Protestoyê vera qayûman yê roja 33in de Nisêbîn de ame kerdene

2019-09-20 16:11:36


	&nbsp;

	MÊRDÎN - Nobeta Demokrasîye ya Mêrdînî roja 33ine de Nisêbîn de dewam kerde. Parlamenterê HDPyî yê Şirnexî Huseyîn Kaçmazî nobete de qisey kerd û va: “Heta ke problemê kurd çareser nêbo, problemê welat çareser nêbeno.”

	&nbsp;

	Nobeta Demokrasîye ya Partîya Demokratîke ya Şaran (HDP) ya ke Mêrdînî de verba tayînkerdişê qeyûman de yena kerdene roja 33ine de qezaya Nisêbînî ya Mêrdînî de dewam kerde. Nobeta roniştişî ra ver polîsan derûdorê awanîya HDPyî ya qeza girewt binê ablûqa.&nbsp;

	&nbsp;

	HDPyijî verê awanîye ra heta Parka Aştîye rayîr şîyî û verê parke de çalakîya &nbsp;roniştişî viraştî. Çalakîye de deyrî ameyî vatene û siloganî ameyî berzkerdene. Parlamenterê HDPyî yê Şirnexî Huseyîn Kaçmazî nobete de qisey kerd. Huseyînî da zanayene ke hukmatê AKPyî îradeyê şarî çin hesibneno û va: “Verê di serran zî qeyûm tayîn kerdî. Faşîzmê AKP û MHPyî ewro hêzê xo vera kurd û demokrasîye de xebetneno. Labelê ganî no baş bêro fehmkerdene ke hukmatê verên zî hêrişê îradeyê şarî kerdbî û hewl dabî ke teslîm bigîrî. Labelê no şar bi serran o têkoşînê xodomneno.”

	&nbsp;

	Eşkerayî û çalakî badê qiseykerdişan bi çepik û siloganan qedîya.&nbsp;

	&nbsp;