ÎHD: Pasûr de heqê weçînayîşî çin ameyo hesibnayîş 2019-09-19 15:04:32   AMED - ÎHDyî dîyar kerd ke HDP Pasûr de bi hawayêko bêbingeh ameyo hedefgirewtene. ÎHDyî da zanayene ke weçînayîş û heqê weçînayîşî ameyo çinkerdene   Komeleya Heqê Merdiman (ÎHD) ya Şûbeyê Amedî derheqê tayînkerdişê Şaredarîya Pasûrî ya Amedî de eşkerayîyêka nuştekî daye. ÎHDyî dîyar kerd ke badê teqayîşê qezaya Pasûrî tay organê çapemenî bi manşetê ‘HDP kerd’ rayîrberanê HDPyî û rayîrberanê Şaredarîya Pasûrî kerdî hedef û Hemşaredaranê Pasûrî Fatma Ay û Mehmet Fatîh Taş û xeylê rayîrber û xebatkaranê şaredarîye bê tu delîlêk binçim kerdî û dima ra zî 17ê êlule de qeyûm tayînê şaredarîye kerdî.   ÎHDyî dîyar kerd ke HDP Pasûr de bi hawayêko bêbingeh ameyo hedefgirewtene. ÎHDyî da zanayene ke weçînayîş û heqê weçînayîşî ameyo çinkerden û va: “Ganî bi hawayo lez peynîya nê caardişan bêro, hemşaredar û rayîrberî bêrî wezefe ser.”