Cinîyan dest bi amadekarîyê zimistanî kerdî: Sere banan xemilîyayî

2019-09-14 14:16:08


	 

	Medîna Mamedoglu

	 

	MÊRDÎN - Cinîyî bi peynîbîyayîşê hamnanî reyde seba amadekarîyê zimistanî kewtî mîyanê hewldayîşan. Cinîyan banê keyeyanê xo de dest bi huşkkerdişê sebze û fêkîyan kerdî.

	 

	Cinîyî bi peynîbîyayîşê hamnanî reyde seba amadekarîyê zimistanî kewtî mîyanê hewldayîşan. Cinîyan xeylê bajaran de dest bi huşkkerdişê sebze û fêkîyan kerdî û serê bananê xo xemilnayî. Cinîyan dîyar kerdî ke huşkkerdişê sebze û fêkîyan nika yeno kerdene û dayî zanayene ke raybazê huşkkerdişî seba weşîya merdiman xeylê baş o.

	 

	'Ma her serre eynî wextî de amadekarî kenê'

	 

	Cinîya bi nameyê Fadîa Solmaza ke Mêrdîn de cuyena dest bi amadekarîyê zimistanî kerda û qala amadekarîyan kerd. Fadîaye qiseykerdişê xo de va: “Ma her serre nê amadekarîyan kenî. Her serre peynîya hamnanî de amadekarî yeno kerdene. Mîyanê hamnanî de sebze û fêkî vaye yî. La wexto ke beno peynîya hamnanî ma sebzeyan herînenî. Ma sebzeyan huşk kenî, ya zî sewbîna hawa seba zimistanî hadre kenî. Ma zimistan de nê çîyanê huşkkerdeyan wenî. Tena çîyê huşkkerde nê, ma îsot, rîçal, tirşikî zî nika ra hadre kenî. Tay kesî nê amadekarîyanê xo roşenî. La ma tena seba keyeyê xo virazenî. Ma hêjîr û mişmişanê baxçeyê xo zî kenî rîçal.”