Derheqê rayraşîyayîşê Meclîsê Cinîyan yê HDPyî de tehqîqat ame destpêkerdene 

2019-09-10 14:02:19


	 

	WAN - Rayraşîyayîşo ke Meclîsê Cinîyan ê Wanî bi slogana ‘Hemserekîye xêza ma ya mor a‘ viraşt ci rê cipersayîş ame akerdene. Xeylî sîyasetmedaran ra ame weştene ke şirê îfade bidê.

	 

	Derheqê rayraşîyayîşo ke Meclîsê Cinîyan ê Wanî 3’ê Êlule de bi slogana ‘Hemserekîye xêza ma ya mor a‘ viraşt de cipersayîş ame destpêkerdene.

	 

	Çarçeweya cipersayîşo ke hetê Serdozgerîya Komare ya Wanî ra ame destpêkerdene yê ke semedê îfadedayîşî ameyî vengdayene wina yê: Ê ke cayê înan ameyo xepskerdene Hemşaredara Bajarê Pîlî yê Wanî Bedîa Ozgoke, Hemşaredara Erdişî Yildiz Çetîne, Hemşaredara Tûşba Ayşe Mînaz a ke rîyê KHK’yî  ra mazbataya ci nêameye dayene. Hemşaredara Rêya Armûşê Şehzade Kûrte, Hemşaredara Begîrî Leyla Balkane, Hemşaredara Sarayî Cazîye Dûmane,Hemşaredara Colemêrgî Seher Kadîroglu Ataş a ke rîyê KHK’yî ra mazbataya ci nêameye dayene û Hemsereka HDP’yî yê Wanî Yadîşen Karabûlake.