
Hemşaredar Şevîn Alaca: Do vera qayûman têkoşîn bikerê 

2019-09-07 14:17:14


	&nbsp;

	QERS - Hemşaredara HDPyî ya Qersî Şevîn Alacane reaksîyon vera tayînkerdişê qayûman da û bale ante serê girîngiyê sîstemê hemserekî û va: "Ganî no tena temsîlkarîyê cinî û camêrdan nêro famkerdiş. Bi reng û fikr û xo beşdarbîyayîşê cinîyan ê îdarekerdişî yo."

	&nbsp;

	'Bi îradeyêke azad raya xo xebitnayî'

	&nbsp;

	Şevîne arde ziwan ke dimayê weçînayîşê mintiqa yê 2014an zî îradeyê şarî ameyo xespkerdiş û wina va: "Ma cewabê nê 31ê adare de da. Şarê ma bi îradeyê azad şi serê sindoqan û qerarê xo dayî. La rojê vîyarte de reya diyîn îradeyê ma ame xespkerdiş. Ma seba demokrasî û edalet têkoşîn kenê. Şarê ma bi îradeyê xo yê azad raya xo xebitnayî."

	&nbsp;

	'Ma do têkoşîn bikerê'

	&nbsp;

	Şevîne da zanayîş ke dimayê weçînayîşê 31ê adare sîstemo ewil ê xespkerdişî nêdayîşê mazbatayê hemşaredaran bi û no zî sebebê KHKyî ra nêame dayîş. Şevîne tewr peyîn qiseykerdişê xo de bale ante serê sîstemê hemserekîyê HDPyî û wina va: "Ganî no tena sey îdarekerdişê cinî û camêrdan nêro famkerdiş. Beşdarbîyayîşê cinîyan ê bi reng û fikra xo yê îdarekerdişî yo. No caardiş vernîya cinîyan akeno. Qayûm senîn ameyî vernê de sazgehê cinîyan pada. Hêriş her wext serê cinîyan de ame. Ma bi taybet vera qayûman, vera çinkerdişê îradeyî têkoşîn bikerê."&nbsp;

	&nbsp;