Derheqê Hozan Canê de bi îdîayê ‘Heqaret bi Serekkomar kerda’ doze ameye akerdene 

2019-09-06 14:46:50


	 

	MERKEZÊ XEBERAN - Hunermenda kurd Hozan Canê Edîrne de ameyebî tepiştene û bi îdîayê ‘Endama rêxistine ya’ ameyebî tewqîfkerdene. Nika zî derheqê hunermend Canê de bi îdîayê  ‘Heqaret bi Erdoganî kerda’ doze ameye akerdene.

	 

	Hunermenda kurd Hozan Canê seba piştîdayîşê Partîya Demokratîke ya Şaran (HDP) weçînayîşê 24ê hezîrane de ameyebî Tirkîye. Labelê Hozan Canê qezaya Enezî ya Edîrne de ameyebî tepiştene û dima ra bi îdîayê ‘Endama rêxistine ya’ ameyebî tewqîfkerdene. Nika zî derheqê hunermend Canêya ke hemwelatija Almanyaye ya de bi îdîayê  ‘Heqaret bi serekomar Recep Tayyîp Erdoganî kerda’ doze ameye akerdene.

	 

	Derheqê bebete de avûkata Hozan Canê Nevroz Akline serê hesabê miwekîla xo yê facebookî de malumat pare kerde. Newroze daye zanayene ke parekerdişê karîkaturêkî Erdoganî vera ‘Heqaret bi serekomar Recep Tayyîp Erdoganî kerda’ derheqê Hozan Canêye de doze ameye akerdene.

	 

	Roniştişê bîn yê doza Hozan Canê ke bi îdîayê ‘Endama rêxistine ya’  yena muhakemekerdene do 16ê êlule de bêro vînayene.