Xoverdayîşê Mêrdînijan ê vera qeyûmî kewt roja 16‘ine 

2019-09-03 15:53:31


	 

	MÊRDÎN - Mêrdîn de xoverdayîşê vera tayînkerdişê şaredarîyanê Amed, Wan û Mêrdînî roja 16’ine de dewam kerd.

	 

	Vera tayînkerdişê şaredarîyanê bajaranê pîlan ê Amed,Wan û Mêrdînî yê HDP’yî çalakîyê protestoyî dewam kenê. Mêrdinijî roja 16’ine de reyna vejîyayî meydanan.

	 

	Bi sebebo ke polîsan destûr nêda, cîya-cîya hîrê cayanê Parka Karayolari de çalakîye roniştişî ameye viraştene. Çalakîya ke bi deyîran û sloganan  di saetî kerde derg ra dima eşkerayîye ameye dayene.  Eşkerayîye bi nameyê kîtleyî hetê  parlamenterê HDP’yî  yê Riha  Omer Ocalanî ra ameye dayene. Omer Ocalanî vera îşxalê qeyûmî reaksîyon da vat no semedê tarîxê welatî lekeyêko sîya yo. Çalakîye bi çepik û tîlîlîyan qedîyaye.