Cenazeya Halîme dimayê 3 serran ameye dayene  

2019-08-29 15:12:37


	 

	AMED - Cenazeya HPGyî Halîme Gunduza ke Dêrsim de verê 3 serran serra 2016î de cuya xo vindî kerdbî û Goristanê Bêkesan yê Meletî de ameybî definkerdene dîya keyeyê aye. Ame dîyarkerdene ke badê teslîmkerdişî polîsan nêverdayî ke cenaze bibî camî û nimajê cenaze bêro kerdene.

	 

	Cenazeya HPGyî Halîme Gunduza (Berîvan Arjîn) ke Dêrsim de verê 3 serran cuya xo vindî kerdbî û Goristanê Bêkesan yê Meletî de ameybî definkerdene dîya keyeyê aye. Numuneya gonî ke seba testê DNAye keye di aşmî verê dabî Dezgeyê Tibê Edlî (ATK) netîce bî. Malumatdayîşî ra dima keye şî Meletî û badê karê fermî cenazeya xo Goristanê Bêkesan ra vet û ard Amed. Ame dîyarkerdene ke badê teslîmkerdişî polîsan nêverdayî ke cenaze bibî camî û nimajê cenaze bêro kerdene. Cenaze binê ablûqaya polîsan de şewa verên Amed de ameye definkerdene.

	 

	Serweşîyê seba Halîme Gunduze Keyeyê Şînî yê Farqînî yê Baglarî yê Amedî de yeno qebûlkerdene.