Aktivîstê TJAyî vera qayûman rayşîyayîş kerdî 

2019-08-28 13:50:42


	 

	WAN - Aktivîstê TJAyî vera qayûman xeylê kuçeyan de rayşîyayîş û çalakîya vengvetişî kerdî.

	 

	19ê Tebaxe de îktidarê AKP-MHPyî qayûm tayînê serê şaredariyê bajarê pîl ê Mêrdîn, Amed û Wanî kerdibî. Çalakiyê vera qayûman dewam kenê. Tevgerê Cinîyanê Azad (TJA) Kuçeyê Koyiçi û Beyuzumu yê girêdayê qezayê Artemêtî û Tûşbayî rayşîyayîş kerdî. Rayşîyayîş de eynî wextî de çalakiya vengvetişî zî ame kerdene. Çalakî de sloganê "Şarê Wanî nêkeweno ra. Îradeyê xo wayîr vejîyeno", "Vera qayûman ma bibê yew" ameyî berzkerdene. 

	 

	Rayşîyayîş heta ereyê saete şewe bi slogan, çepik û tilîlîyan dewam kerd.