Amed de çalakîya roniştişî dest pêkerd 

2019-08-23 15:29:34


	 

	AMED - Amed de 5 rojî yo vera tayînkerdene qayûman ê şaredariyê Wan, Amed û Mêrdînî kuçeyan xo ver danê û ewro reyna Cadeyê Lîseyî yê vera Şaredarîya Gird de kom bî û dest bi çalakiya roniştişî kerdî.

	 

	Dimayê ke qayûm tayînê Şaredarîyê Bajarê Gird yê Amed, Wan û Mêrdînî ameyî kerdene, çalakîyê nêrazîbîyayîşî ameyî destpêkerdene. 5 rojî yo welatî, parlamenter, hemşaredar, hemserek, îdarekar û endamê Partîya Demokratîk ya Şaran (HDP) Wan, Amed û Mêrdin de kuçeyan de vera astengî û mudaxaleyê şîdetê polîsan xo ver danê.

	 

	Ewro Amed de welatî Cadeyê Lîseyî vera Şaredarîya Bajarê Gird ya Amedî kom bî û dest bi çalakîya roniştişî kerdî. Bi seyan welatî û mîyan de parlamenter, hemşaredar, îdarekarê HDPyî, rêxistinê sazgehê sivîl û Meclîsê Dayikê Aştiye beşdarê çalakîya roniştişî bî. 

	 

	Vera îşxalkerdişê polîsan welatî bi deyîran, çepîk, tilîlîyan çalakîya xo dewam kenê.