Brezîlya û Arjantîn tayînkerdişê qayûman şermezar kerdî  

2019-08-21 13:57:37


	 

	MERKEZÊ XEBERAN - Xelatgêranê Nobelî yê Arjantînî ra Adolfo Perez Esquîvelî û dayîkanê Plaza de Mayo ra Nora Corînase û Mîrta Baravalle vera qayûmê AKP’yî yê şaredarîyan razînêbîyayîş ramot û semedê paştdayîşê HDP’yî veng da.

	 

	Vera tayînkerdene qayûman razînêbîyayîşêk zî  xelatgêranê Nobelî yê Arjantînî ra Adolfo Perez Esquîvelî û dayîkanê Plaza de Mayo ra Nora Corînase û Mîrta Baravalle ra ame. Eşkerayîya hempare hetê dezgehê Heqanê Mediman ê Beverly Keen Dîalog2000 ra zî ameye îmzakerdene.

	 

	Partîya Azadî û Sosyalîzmê yê Brezîlya: Vera heqan tayînkerdene qayûman bêhurmetî yo

	 

	Partîya Azadî û Sosyalîzmê (PSOL) ê Brezîlya eşkarîye de wina vatî: ‘’Hukmatê Tirkîya bajaranê tewr girdan ê Kurdan de dest na hîrê şaredarîyanê girdan ê HDP’yî ser û qeyûm tede ca kerd. Tewr tay 500 kesî destbend kerdî. Protestoyê vera xepskerdişê îradeyê şarî  rixmê hêrişê polîsan dewam kenê. Ma nê binpaykerdişê vera heqanê merdiman şermezar kenê. Ma veng danê hukmatê Erdoganî ke wa bitaybetî  vera Kurdan wa peynîya zextê serê şaran ê bînan bîyaro. Heman wextî de  ma veng danê rayapêroyîya  mîyanneteweyîyî, dezgehanê Ewropa û sazgehanê heqanê merdiman û hukmatê ke Tirkîye rê hetkarî kenê wa vera Tirkîya ya ke vera Kurdan, şarê xo û welatanê cîranan her roje hîna zafêr bena hêrişkar, semedê paştdayîşê heqanê merdiman perpirsîyarîya xo bica bîyarê. 

	 

	'Ganî demokrasî bêro pawitene'

	 

	Dewamê eşkerayî de wina ame vatene: "Ganî heme dezgehê hîsgêrî vera xespkerdişê heqî semedê haştîye tê bigêrê. Hema hîrê mengî cuwa ver Tirkîya vera grevê vêşanîye û çalakîyan gamêk eşte û Rayberê Şarê Kurdî Abdullah Ocalanî bi keyey û avûkatanê xo pêvînayîş kerd. Ameyêne pawetene ke  Tirkîya yewna rayîrî ra şiro. Ma her wextî ra zafêr hukmatê Tirkîya ra wazenê ke  wa tecrîd û zextan biqedîno. Ganî heme rêxistinê heqî seba ke Tirkîya de qirkerdişêko bîn nêro kerdene  vengê xo berz bikerê paştdayîşî xurt bikerê.’’