Qeyûmî Meclîsê Şaredarîya Wanî betal kerd 

2019-08-21 13:25:40


	 

	WAN -  Walîyê Wanî Mehmet Emîn Bîlmezo ke şaredarî rê sey qeyûmî ame tayînkerdene, da zanayene ke meclîsê şaredarîye ame betalkerdene.

	 

	Walîyê Wanî Mehmet Emîn Bîlmezo ke herinda hemşaredara Bajarê Girdî yê Wanî Bedîa Ozgokçe Ertane de sey qeyûmî ame tayînkerdene endamanê meclîsî yê şaredarîye rê nuştekî da zanayene ke meclîs ame betalkerdene. Bîlmezî eşker kerd ke ewro ra tepiîya wezîfe û îdare encumananê şaredarîye de yo. Meclîsê şaredarîyo ke pêro pîya 71 endamê ci estbî, înan ra 44ê HDPyî û 27 zî yê AKPyî bî.