
Cigêrayîşê polîsan ra dima qayûm ame şaredarî 

2019-08-19 13:06:12


	&nbsp;

	AMED - Cigêrayîşê polîsan yê Şaredarîya Bajarê Girdî ya Amedî qedîya û Walîyê Amedî Hasan Basrî Guzelogluyo ke hetê Wezîrîya Karê Zerre ra tayînê herinda Hemşaredarê Amedî Adnan Selçuk Mizrakliyî ame kerdene, ame bînaya şaredarîye.

	&nbsp;

	Wezîrîya Karê Zerre Hemşaredarê Amedî Adnan Selçuk Mizrakli, Hemşaredarê Mêrdînî Ahmet Turkî û Hemşaredara Wanî Bedîa Ozgokçe Ertane wezîfe ra girewte. Wezîrîya Karê Zerre Walîyê Amedî Hasan Basrî Guzelogluyî tayînê yê Şaredarîya Bajarê Girdî ya Amedî, Walîyê Mêrdînî Mustafa Yamanî tayînê Şaredariya Bajarê Girdî ya Mêrdînî û Walîyê Wanî Mehmet Emîn Bîlmezî zî tayînê Şaredarîya Bajarê Girdî ya Wanî kerde.

	&nbsp;

	Badê cigêrayîşan Walîyê Amedî Hasan Basrî Guzelogluyî binê asayîşêko berz de bi wesayîtê xo yê meqamî ame bînaya şaredarîye. Ameyîşê Hasanî ra ver polîsan bikutikan bînaya şaredarîye gêrayî.

	&nbsp;

	Badê ke Hasan derbazê bînaya şaredarîye bî, Mudirî Çapemenî yê Walîtîya Amedî rojnamegereran reyde pêvînayîş pê ard. Mudirî Çapemenî destûr nêda ke rojnamegerê ke akredîtasyonê înan çin o ci goşdarî bikerî.&nbsp;

	&nbsp;