Şirnêx de eştişê keyeyan ser: Xeylê HDPyijî ameyî tepiştene  

2019-08-18 14:53:16


	 

	ŞIRNEX - Şirnêx de sereştişê keyeyan ê vera HDPyijan de xeylî kesî ameyî tepiştene.

	 

	Polîsan saetanê serê sibayî de eşt qezaya Êlkê, Hezex û merkezê Şirnexî ser, xeylî kesî destbend kerdî. Merkezê Şirnêxî de îdarekarê HDP’yî Yahya Îdîn, Sînan Kolûman û Sekvan Kilinç ameyî destbendkerdene. Hezex de endamê Meslîcê Şaredarîye yê HDP’yî Mehmet Erarslano ke 15’ê Tebaxe de ame destbendkerdene û vizêr serbest amebi veradayene, polîsan reyna eşt keyeyê ey ser û na rey cinîya ci Gul Erarslane destbend kerde. 

	 

	Êlkê de zî sereştişê keyeyan de îdarekarê HDP’yî  Dîndar Cîn, Cemîl Cîn, Nûrî Cîn, Selahattîn Ataman, Agît Çokdogan û Mazlûm Çokdogan ameyî destbebdkerdene.

	 

	Hetê bînî ra qezaya Artûklû, Nisêbîn, Qoser, Kerboran û Stewrî yê Mêrdînî de 11 kesê ke 15’ê Tebaxe de ameybî destbendkerdene  muameleyê înan dewam kenê. Yeno pawitene ke ê do siba sewqê Edlîyeya Mêrdînî bibê.