Erzirom de leyîra verge rê îşkence  

2019-08-16 15:53:22


	 

	ERZIROM - Ame îdîakerdene B.K.yo ke îşkence bi leyîra verge kerd û medyaya komelkî de fotograf û dîmenan pare kerd rê 4 hezar û 427 lîre cezaya pereyî dîya.

	 

	Ame tespîtkerdene ke qezaya Îspîrî ya Erziromî de B.K.yî cayêko koyî de leyîra verge qefilna û îşkence bi leyîre kerd. B.K.yî badê îşkenceyî fotograf û dîmenan medyaya komelkî de pare kerd. Parekerdişê B.K.yî ra dima Mudirîya Parkê Mîllî û Pawitişê Xoza ya Erziromî kewt dewre.

	 

	Ekîbê pawitişê xozayî B.K.yî keyeyê xo yê taxa Karakamişî ya qeza de tepiştî û goreyê Qanûnê Seydvanî yê serê Erdî yê Hûmara 4915. B.K.yî rê 4 hezar û 427 lîre cezaya pereyî birnayî.

	Ame zanayene ke leyîra verge ke B.K.yî îşkence bi aye kerdbî merda.