Problemê 147 koçberê keştîya Open Armsî ame çareserkerdiş 

2019-08-16 15:10:50


	 

	MERKEZÊ XEBERAN - Qerar ame girewtene ke 147 koçberê keştîya Open Armsî ke verê di hewteyan Derya Sipî de ameyebî xelisnayene do 6 welatan de bêrî bicaakerdene.

	 

	Xeylê koçberê ke Lîbya ra kewtbî rayîr, hetê keştîya komeleya hetkarîya însanî ya bi nameyê Open Armsî ra ameyebî xelisnayene. Labelê seba ke astengîya Wezîrîya Karê Zerre Matteo Salvînî estbî destûr nêdaybî ke koçberî xo biresnî qeraxê Îtalya yî.

	 

	Na babete di hewteyo ke mabenê welatanê Yewîya Ewropayî de yena munaqeşekerdene. Salvînî zî na rewşe seba binpaykerdişê koalîsyonî û girewtişê qerarê weçînayîşo verwextî kerd mehne. Seba keştîya Open Armsî çareserîyêk ame vînayene. Serekwezîrê Îtalyaye Gîuseppe Conte da zanayene ke 147 koçberê ke keştîya Open Armsî de bî do mabenê 6 welatan de bêrî parekerdene.

	 

	Conte dîyar kerd ke pêkerdişê derheqê babete mabenê welatanê Îtalya, Fransa, Almanya, Spanya, Portekîz, Romanya û Luksemburgî de ameyo hadrekerdene. Gîuseppe da zanayene ke qerar seba welatanê bînan yê Ewropa ‘destê xo bidêne Îtalya’ numine yo.