Mîyanê di serran de hezar û 900 sivîlî ameyî kiştene  

2019-08-15 13:57:30


	 

	MERKEZÊ XEBERAN - Herêma Kîvu ya ke kewena rojhelatê Komarê Kongo ya Demokratîke de seba ke 130 grubê çekin şer kenî, cayo tewr şîdetin yê dinya ya. Mîyanê di serran de hezar û 900 sivîlî ameyî kiştene

	 

	Goreyê raporê Rêxistina Taqîpkerdişê Heqê Merdiman (HRW) û Gruba Cigêrayîşî ya Kongoye herêma Kîvu ya Komarê Kongo ya Demokratîke de zêdeyê 130 grubê çekin estî û mîyanê di serran de hezar û 900 sivîlî ameyî kiştene.

	 

	Goreyê raporê di rêxistinan herêma Kîviye de ‘Mabenê hezîrana 2017 û hezîrana 2019î de grubê çekin 1900 sivîlan qetil kerdî û zêdeyê 3300 kesan zî remnayî.’ Rojhelatê Kongo 25 serrî yo ke asayî nîyo.

	 

	Mudirê Afrîkaya Mîyanen yê HRWyî Lewîs Mudge wina va: “Herêma Kîvu ya ke kewena rojhelatê Komarê Kongo ya Demokratîke de zêdeyê 130 grubê çekin şer kenî û na herême herêmanê tewr şîdetin yê dinya ra ya.”