Seba hepsîya dewaya Nisêbînî Jîyan Aye rê cezaya muebetî 2019-08-15 13:55:59   MÊRDÎN - Jiyan Aye ke wextê pêrodayîşê Nisêbînî de ameye tepişnayîş û tewqîfkerdiş, dosya maddeya 302 ra ameyne hukmkerene û cezaya muebetî giran aye rê ame birnayene. Dosya ameye tefrîkkerdene zî reyna derheqê Jiyane de eynî ceza amebî waştene û roniştiş de eynî ceza amebî waştene û roniştişê qerarî dewa do aşma Êlule de bêro vînayene.   Qezaya Nisêbînî ê Mêrdînî mabêne 2015-2016an 5 rey qedexeyê vejîyayîşê teberî ame îlankerdene û no prosesî de 17 ci ra domanî 70 kes ameyî tepişnayîş û tewqîfkerdiş. Derheqê kesê ke ameyê tepişnayîş de 19 sucî ra 76 rey cezaya muebetê giran yeno waştene û sucê bîn zî derheqê tewqîfkerdan de reyna cigêrayîş ame destpêkerdene. Jiyan Aye zî yew ê hepsîyan ra ya. Derheqê Jîyane de hîrê dewayê cîya ameyî akerdene û maddeya 302in dewa ame akerdene û dewa ra cezaya giran girewte. Jiyane ke zindanê cinîyan ê Qeyserî de mendêne, dimayê ke cezaya aye qetî bî, seba prosedur aye kerdî hucreya yew kesî.   Hîrê dosyayê cîya   Derheqê Jiyan Aye de cîya cîya maddeyê TCK 302, 174 û 282 dewa ameyî akerdene û maddeya 302 ra zî cîya ameye muhakemekerdene û cezaya aye ameye tesdîqkerdene. Maddeya TCK 174 zî ke bi sucdarîyê ‘maddeya bi xeter serê aye de ameye vînayene' ameye muhakemekerdene û 13 serrî û 4 aşmî ceza aye rê ame birnayene. Ceza Dadgerî de bi sebebê muhakemekerdene ne bi huquqî yo reyna amebi eşrawitiş.   Di dosyayê bîn yê cîya netîce bî   Xêrcê dosya ke ceza ci ra girewte, dosyayêke bîn de zî eynî sucdarîyan ra yena muhakemekerdene. Avûkatan na rewşe sey trajîkomîk şîrove kerdî. Jiyane seba îdianameyê derheqê înan de amebi amadekerdene ceza girewte û dima ra cezaya aye ame xerakerdene.   Goreyê prosedurî seba ke cezaya aye muebetî ameya tesdîqkerdene do Jiyane 10 serran hucreyê yew kesî de bimana û dosyaya aye bîn ke reyna bi muebetî yena muhakemekerdene do Êlule de qerarê aye bêro dayene. Dimayê qerarî Jiyane kerdî hucreya yew kesî.