
'Çalakî û xoverdayîş do her dem dewam bikerî' 

2019-08-15 12:50:40


	&nbsp;

	Fîdan Ebdullah

	&nbsp;

	ŞEHBA - Hemleyê ke &nbsp;bi sloganê "Herre û rûmetê xo bipawê, îşxalkerdiş û DAIŞî berê" ame destpêkerdene bi çalakîyan dewam kenî. Verfeka Koordînasyonî Kongreya Star ê Herêma Efrînî Eyşe Xezîneye dîyar kerde ke vera îşxalkerdişî do xoverdayîşê xo dewam bikerî.

	&nbsp;

	Bi rayberîya Rêxistinê Kongreya Star, bi sloganê "Herre û rûmetê xo bipawê, îşxalkerdiş û DAIŞî berê" hemleya çalakîya pawitişê herra xo ame destpêkerdene. Kongreya Star ê Herêma Efrînî 10ê tebaxe de hemleyê xo vera îşxalkerdene da bî destpêkerdene. Koordînasyona Kongreya Star ê Herêma Efrînî Eyşe Xezîne serê prosesê hemleyî de qisey kerde.

	&nbsp;

	'Ma cinîyê Efrînî xo ver danê'

	&nbsp;

	Sereyê qiseykerdişê xo de Eyşe bale ante serê sloganê hemleyî û wina dewam kerde: "Ma bi sloganê "Herre û Rûmetê xo bipawê, îşxalkerdene û DAIŞî berê" çalakîyê xo dewam kenî. Dewleta tirkan ke bi planê xo Efrînî îşxalkerdiş û eynî wextî de nika zî planê xo serê temam vakur û Rojhelatê Sûrîye dewam keno. Ma cinîyê Efrînî bi xoverdayîş û têkoşînê xo vera îşxalkerdene vindarnenê."

	&nbsp;

	'Xoverdayîş do her wext dewam bikero'

	&nbsp;

	Eyşe dewamê qiseykerdişê xo de serê têkoşîn û xoverdayîşê cinîyan vinderte û wina va: "Îşxalkerdişê dewleta tirkan her dem wazena îrade û têkoşînê cinîya kurd bişikno û xoverdayîşê înan bişikno. Seba nê cinîyê kurd dest bi çalakîyê xo yê bê dem kerdî. Vera îşxalkerdişî de de her wext xoverdayîşê ma do dewam bikero. Ma do çalakîyê xo heta ke îşxalkerdiş serê herra Kurdistanî ra bêro wedarnayene dewam bikerê."

	&nbsp;

	'Amancê ma azadîya heme cinîyan a'

	&nbsp;

	Eyşe, da zanayîş ke çalakîyê xo bi rengê cîya dewam bikerê û veng da pêro cinîyan ke beşdarê çalakîyan bibê û wina qedêna: "Ma do xeta xoverdayîş û têkoşîn vera îşxalkerdene pîl bikerê û her wext serê lingan de bê û mîyanê çalakîyan de bê, heta amancê ma bi ca bêro. Vengdayîşê ma pêro cinîyan ra ke wirzê serê lingan û beşdarê hemleya vera îşxalkerdene bibê, seba ma biresê azadîya Serok Apo û azadiya temamê cinîyan."

	&nbsp;