Keyeyî seba ke şorê Îmralî kewtî rayîr  

2019-08-12 14:23:09


	 

	STENBOL- Keyeyanê Abdullah Ocalanî û tepişteyanê bînan ê ke Îmrali de yê semedê pêvînayîşê roşanî verê xo da Îmraliyî.

	 

	Merdimanê Ocalanî û hîrê tepişteyanê bînan Hamîlî Yildirim, Omer Hayrî Konar û Veysî Aktaşî yê ke îmralî de yê seba pêvînayîşê roşanî şîyî Îmrali. Keyeyan roja Îneyî semedê pêvînayîşî muracatê Serdozgerîya Komare ya Bûrsa kerdbi. Dimayê qebûlkerdişê muracatî saetanê serê sibayî de birayê Abdullah Ocalanî, Mehmet Ocalan, birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî  Salîhe Saltike verê xo da Îmraliyî. Ame zanayene ke  destûrê pêvînayîşî nêdîya warisê Abdullah Ocalanî Mazlûm Dînçî. 

	 

	Omer Hayri Konar û Veysi Aktaş sey “sekreterya” 15ê adara 2015an de şibî Îmralî. Hamîlî Yildirimî zî wexto ke şibi Îmralî 15ê Temmuza 2015 Wan heta nika tena 5ê Hezîrane de seba roşanî keyeyê xo dir pêvînayîş kerdib.