Hemserekê HDPyî ra mesajê Roşanê Qurbanî eşrawitî 

2019-08-10 15:34:51


	 

	ENQERE - Hemserekê HDPyî Pervin Buldan û Sezaî Temeli bi wesîleya Roşanê Qurbanî mesajê xo erşawitî. Mesaj de winaame vatene: “Ma bawerîya xo ya pêardişê aştî, edalet, demokrasî û azadîye ya ke şar wazena pawenî. Ma umud kenî ke Roşanê Qurbanî bibo sebebê awankerdişê ameyoxê azad û demokratîke.”

	 

	Hemserekê Partîya Demokratîke ya Şaran (HDP) Pervin Buldan û Sezaî Temeli bi wesîleya Roşanê Qurbanî mesajê xo erşawitî. Mesajo ke ame dayene de ame vatene ke proseso ke dewam keno seba heme komelî zehmetin o û wina dewam kerd: “Ma zanê ke rojê roşanan rojê seyyewbînanî û demokrasîye yî. Nê rojan de umudê ma zêdîyeno.”

	 

	Dewamê mesajî de wina ame vatene: 

	 

	“Ma vîna ke reng, ziwan û olan de feqîrî û nêseyyewbînanî çin î. Ma pîya vîna ke bêhuqûqî, bêedaletî û nêseyyewbînanîya ke îqtîdar keno, bêsînor î. Do têkoşînê ma yê azadîye û cuyêka seyyewbînanî dewam bikero. Ma vera şerî de aştîye pê anî û ma wayîrê îradeya heme şaran vejîyenî.

	 

	'Ma zanê ma do umîd berz bikerî'

	 

	Ma do sey HDPyî hewl bidî ke nêçîyê ke yenî cuyayene nêbî sebebê yewbînan ra qerifîyayîşî. Eksê ci w ama nizdîyê yewbînan bikerî. Ma do umud hîna zêde bikerî. Ma umud kenî ke aşîya ke ma bêrîya aye kerda pê bêra. Ma bawerîya xo ya pêardişê aştî, edalet, demokrasî û azadîye ya ke şar wazena pawenî. Ma umud kenî ke Roşanê Qurbanî bibo sebebê awankerdişê ameyoxê azad, demokratîke û seyyewbînanî. Ma Roşanê Qurbanîbi hîssanê xo yêpakan bimbarek kenî.”