
Domano 8 serre ke qirrika xo ra ameybî birîndarkerdene cuya xo vindî kerd 

2019-08-01 13:34:36


	&nbsp;

	AMED - Qezaya Peyasî de domano 8 serrî ke qirrika xo ra birîndar bîbî, cuya xo vindî kerd.

	&nbsp;

	Taxa Huzurevlerî ya qezaya Peyasî ya Amedî de vizêr saetanê şewe de 2 kesan kardî dayî domano bi nameyê Cîhan Gîder (8) û qirrika ci ra ê birîndar kerdî. Gîdero ke bi giranî birîndar bî, seba tedawîkerdişî bi ambulans wedarîya nêweşxaneyêko taybet. Gîderî nêweşxane de vera heme mudaxaleyanê ke ameyî kerdene de zî nêame xelisnayene û cuya xo vindî kerd. Cenazeya Gîderî seba otopsî wedarîya morgê Nêweşxaneyê Dewlete yê Selahaddîn Eyyubî.&nbsp;

	&nbsp;

	Polîsan cayê hedîse de cigêrayîşan kerdî û domanê bi nameyê D.B. (17) û B.B. (8) yê şikin tepiştî. Polîsan wirdî domanan zî berdî Şûbeyê Domanan yê Mudirîya Polîsan ya Amedî. Derheqê hedîse de tehqîqat dîya dest pêkerdene û tehqîqat dewam keno.

	&nbsp;