'Cinî eşkenê seba probleman rayîrê çareserî bivînê' 2019-08-01 13:32:00   Melîke Aydin   ÎZMÎR - Burcu Ozaydine, dîyar kerde ke awankerdişê wareyê cuya têduştî yê zayendî û ekolojîk zehmet o la bêîmkan nîyo û va têkoşînê cinîyan eşkeno derheqê polîtîkayê ramitiş û xida de çareseriyan virazno.   Burcu Ozaydine demêke Stenbol de avûkatî kena û dima ra herêma Kaz Havran Burhaniye de û dima ra zî Bayramîçî de dewam kena. 2013an de dimayê xoverdayîşê Gezî hewl dana cayêke bîn cuya xo dewam bikera. Burcu dîyar kena ke hûmara koçê dewan kenê zêde bîyê û mabêne cinîyan de zî qezenc zêde bîyo. Burcuye arde ziwan ke ganî têduştîyê zayendî hetê cinîyê ke bi têkoşînê cinîyan bawer ê ra vejîyo meydan.   'Kargerîyê cigêrayîşê zerdan jehr vila keno'   Burcuye da zanayîş ke problemê cinîyê koçberê dewan kenê zî bi bajaran dir eynî yê la cinîyê uca tecrubeyê weş cuyenê û wina va: "Waştişê awankerdene cuyake ekolojîk, vernîya hêrişê wareyê cu beno awbend. Koyê Kaz, dimayê ruhsatê cigêrayîşê zerdan dest bi birnayîşê daran ameyo kerdene û kargeriya cigêrayîşê zerdan bi siyanur jehr vila keno. Koyê Kazî ê ma hemine yo. Ma bendeyê piştdayîş ê."   'Cinî eşkenê çareserî bivînê'   Burcuye dîyar kerde ke ganî hûmara koperatîfê berardişan zêde bibê û bale ante serê koperatîfê cinîyan û va: "Têkiliyê mabêne cinîyê ke koçê dewan kerdê û cinîyê dewan aver berê û bi koperatîf bêrê awankerdene. Cinîyê ke têkoşînê cinîyan danê, xebatê înan yê bi tesîr yê polîtîkayê ramitişî û xida de xeylê bi erj ê. Dewijî wazenê ramitişê bêjehr bikerê. Cinîyê wayîrê zanayîşê citkariyê adetî yê. Ganî têkoşînê cinîyan, cinîyê ke bejahî de yê tewr zêde bigîrê rojeva xo”