Dengbêjê cinîyan ra destanê Mem û Zîne 

2019-07-29 14:10:31


	 

	EDENE - Ehmedê Xanî berardişê xo yê bi nameyê Mem û Zîne de verê eşqê Mem û Zîne, heskerdene û yewbîyayîşê herra kurdan zî qalî kerdo û no deyîranê dengbêjan de zî yeno vînayene.

	 

	Destanê Kurd ê bêmerg Mem û Zîne, serê ziwanê dengbêjê cinî, şahidîyê vîyartoxî keno û hewl dano ke heskerdene herra û welat zî bido hîskerdene. Verê eşqê Mem û Zîne yê Ehmedê Xanî de, heskerdene û yewbîyayene herre kurdan zî berardiş de yeno vatene û no zî deyîranê dengbêjan de zî yeno vînayene. Qezaya Seyhanî ê Edenî taxa Şakîrpaşa de cinîyê dengbêjî bi cil û belgê xo yê gelerî bale ancenê û deyîranê Mem û Zîne zî huner bi tarîx dir, tarîx zî bi ameyox dir anê têhet. 

	 

	'Sere de dengbêjî bi tedayan dir rîbirî mendî' 

	 

	Dengbêje Suphîye Bayafe da zanayîş ke dengbêjî dej û serkewtişê tarîxî yê Kurdan wayîr beno û wina va: "Seba nê zî dengbêjî tarîx roja ma ya ewro rê neql keno. Cografya kurd de tarîxê seranserê teda û qirkerdiş ameyo cuyayîş.  Tedayê babete vernê dengbêjî hedef gênê û hewl ame dayene ke bêrê çinkerdene."

	 

	'Cizîr newe ra bi babeta destanan'

	 

	Suphiye dewam de wina va: "Cografya kurdan de destanê newe yenê cuyene. Cizîro ke destanê Mem û Zîne ci ra vejîya, wextê newe de zî dej û destanê newe ame cuyene. Mehmet Tunço ke vera tedayê dewlete xo ver da û cuya xo vindî kerd yew nê qehremanê ke destan kerdo yo."

	 

	'Lazimî bi neslê newe esto'

	 

	Hakîme Bayafe zî bale ante serê girîngiyê dengbêjan wina va: "Lazimî bi neslê newe yê ke deyîranê cografya kurdan anê ziwan esto. Dengbêjî xo spêrneno adetê vatişî. Seba nê zî kesê.dest bi dengbêjî kenê, ganî ewil tarîxî hes bikerê û bimusê."