
Leyla Guvene dest bi xebata KCDyî kena 

2019-07-14 13:40:41


	&nbsp;

	AMED - Parlamentera HDPyî ya Colemêrgî Leyla Guvene badê ke Cimatê Pêroyî yê Meclîsî de sond wende û dest bi xebata meclîsî kerde, dima ra zî dest bi xebata Kongreya Komela Demokratîke (KCD) kerde.

	&nbsp;

	Hemsereka Kongreya Komela Demokratîke (KCD) û parlamentera Partîya Demokratîke ya Şaran (HDP) ya Colemêrgî Leyla Guvene ke seba qedîyayîşê tecrîdkerdişê Rayberê Şarê Kurdî Abdullah Ocalanî kewte grevê vêşanîye û bi vengdayîşê Ocalanî roja 200. de peynî ro xoverdayîşê xo yê grevê vêşanîye rê arde, dimayê tedawîye ra dest bi xebatanê xo yê sîyasîyan kerd.

	&nbsp;

	Leylaye sere de 10ê temmuze de Cimatê Pêroyî yê Meclîsî de sond wend û dest bi xebata parlamentoyî kerd. Dima ra amî Amed û serrêk û nîm ra dima verê xo da KCDyî. Leylaye endamanê Dîwanê Hemserekîya KCDyî dir pêvînayîş kerd, derheqê xebatanê KCDyî de hayîdarîyî girewtî û dima ra zî dest bi xebata sazîye kerd.

	&nbsp;

	Serdanê keyeyê Zulkuf Gezen bêro kerdene

	&nbsp;

	*Çarçewaya xebata xo de Leylaye do sere de şiro serê gore Zulkuf Gezenî ke hemverê tecrîdî de çalakîya fedaîye kerde û dima ra zî şiro serdana keyeyê ê. Leylaye do bi dore serdana keyeyanê fedaîyan Ayten Beçete, Zehra Saglame, Medya Çinare, Yonca Akici, Sîraç Yukseke û Mahsûm Pamayî bikero.&nbsp;

	&nbsp;

	*Leylaye do dima ra zî şiro serdana keyeyê Şenyaşarî ke xeylî ferdê înan hetê merdimanê parlamenterê AKPyijî Îbrahîm Halîl Yildizî ra ameybî qetilkerdene. Tewr peynî de zî do şiro serdana keyeyê parlamentero verên ê HDPyî yê Riha Îbrahîm Ayhanî ke Hewlêr de cuya xo vînî kerdebî.&nbsp;

	&nbsp;