Cinîyê zozanan verê ke roj vejîyo wirzenê we 

2019-07-13 12:37:38


	 

	AMED - Cinîyê zozanê Sîsê yê girêdayê Licêyî, verê ke roj vejîyo, wirzenê û dest bi karê rojî kenê. Cinîyan da zanayîş ke karê înan çiqas zehmet bo zî ê zozanan ra hes kenê û wina vatî: "Domanê ma betonan ra xilas benê û boya xo gênê. Ma tîya kêfweş ê."

	 

	Bi ameyîşê wisarî dir zozanan de tevger dest pê keno. Pêwa şert û mercê zehmet, cinî seba cuyake bi weşîye zozanan ra nînê û doman weykerdiş ra heta doşnayîşê heywenan, viraştişê werî ra heta şitişê firaqan, cilan û pakî her kar kenê. Dewa qijiyê Sîsê ya Licê ya Amedî de cinîyê ke vejîyenê zozanan siba rew dest bi roj kenê.

	 

	'Ez nêrî tîya ez nêeşkena bicuyî'

	 

	Aysel Cînakli ya Sûrê Amedî de ra ameya tîya, dîyar kena ke verê ke roj vejîyo dest bi karê xo kenê û wina va: "Ma heywanan doşenê. Ma mast viraznenê. Ma doyê xo viraznenê. Ma rûnê xo zî vejenê. Karê ma nê dir bi sînor nîyo, problemê ma tewr pîl dûrbîyayîşê awe yo."

	 

	Gamze Cînaklî ciwanêke bi keyeyê xo dir ameya zozanan ya. Gamze dîyar kena ke ê serê siba rew wirzenê û seba nê zehmetiyan ancena û va aye hetkarî dana waya xo Aysele. Gamze ke do vejena wina va: "Çiqas zehmet bo zî ma her hamnan yenê tîya."

	 

	Wareyê azad ê domanan

	 

	Zozan seba domanan wareyêke îdeal ê keyeye yo. Bi hawayêke azad kay kenê, vaz danê û hewaya pak gênê. Dima ra heywananê xo çêrnenê, kewenê awe. Domanî wina vanê: "Ma nişnenê estorî. Ma bi rehetî geyrenê. Şew û roje ma geyrenê. Ma bajarê wina de rehet nîyê. Her ca de awanî estê. Ma tîya her çî rehet kenê. Ma her kaye zî kay kenê."

	 

	Cinîyê ke mîyanê roje de kar kenê û xebityenê, seba ke sereyê domananê xo bişoyî zî awe germ kenê. Dima ra zî seba acisîyê roje xo ser o berzê, çaya xo danê serê ocaxe.