
Leyla Guvene ewro do meclîs de sond biwera 

2019-07-10 12:42:00


	&nbsp;

	ENQERE - Hemsereka KCDyî û Parlamentera HDPyî ya Colemêrgî Leyla Guvene ewro do Heyetê Pêroyî yê Meclîsî de sond biwera.

	&nbsp;

	Hemsereka Kongreya Komela Demokratîke (KCD) û Parlamentera Partîya Demokratîke ya Şaran (HDP) ya Colemêrgî Leyla Guvene ewro do Heyetê Pêroyî yê Meclîsî de sond biwera. Leyla Guvene seba wedarnayîşê tecrîdo girankerde yê serê Rayberê PKKyî Abdullah Ocalanî Zîndanê Amedî de kewtbî grevê vêşanîye û roja 79. yê grevî de ameybî tehlîyekerdene û keyeyê xo de çalakîya xo domnabî.

	&nbsp;

	Leylaye badê 200 rojan yê grevê vêşanîye bi vengdayîşê Abdullah Ocalanî grevê xo peynî kerdbî. Grevê vêşanîya yê Leyla Guvene ra dima bi hezaran hepsîyanê sîyasîyî zî dest bi rojeyê mergî kerdbî û tewr peynî 30 hepsîyî çalakîya xo açarnabî rojeyê mergî û bi saya xoverdayîşê înan avûkatan badê 8 serran 2 û 22ê gulane de Ocalanî reyde pêvînayîş viraştbî.

	&nbsp;

	Badê grevê vêşanîye Leyla Guvene nêweşxane de ameye tedawîkerdene û dima ra ameye taburcukerdene. Leyla Guvene 24ê hezîrane de sey parlamentere ameybî weçînayene û ewro do Heyetê Pêroyî yê Meclîsî de sond biwera.&nbsp;

	&nbsp;