
Feleknas Ûca: Caardişê OHALî dewam kenê 

2019-07-08 11:43:32


	&nbsp;

	
		&nbsp;
	
		Berîtan Canozer
	
		&nbsp;
	
		AMED - Parlamentera HDPyî Feleknas Uca dîyar kerde ke dimayê OHALî bêhûquqî dewam kenê û bi taybet azadîya gêrayîşê weçîtoxan, akademîsyen û rojnamegeran beşêke pîl ê komelî yeno astengkerdene û ganî peynî nê caardişan bîyarê.
	
		&nbsp;
	
		Pêwa OHAL bipeynî bi zî hema astengî dewam kenê û bi hezaran kes seba qedexeyî nêeşkenê vejîyê teberê welat. Parlamentera HDPyî ya Êlihî Feleknas Uca, babete berde rojeva meclîsî û derheqê qedexeyê azadîya geyrî de şîrove kerde.
	
		&nbsp;
	
		‘Tirkîya goreyê qanûnan tênêgeyrana'
	
		&nbsp;
	
		Feleknase da zanayîş ke qedexeyê seba teberê welatî seba parlamenteran ameyo dayene bêhûqûqîyo û wina va: "Heta ke destnêdayîşê parlamenteran dewam bikero, do parlamenterî heqê înan nêro îhlalkerdene. Pêwa nê Tirkîya de qanûn bi ca nîno. Bi taybet parlamenterîya parlamenterê HDPyî yenê fînayîş. 2016an de parlamenterê ma, hemşaredarê ma ameyî tepiştiş. Parlamenterîyê înan ame fînayîş. Hewl danê ke bi no hewa sîyaset ra dûr bifînê. Bi OHALî dir pasaportê bi seyan kesî ame betalkerdene. Vejîyayîşê înan ê teberê welatî ame qedexekerdiş.”
	
		&nbsp;
	
		‘No qedexe çira?’
	
		&nbsp;
	
		Feleknase da zanayîş ke nê bêhuquqî vera parlamenterê Hdp yî yenê kerdene û wina va: "Nê caardişî tena seba parlamenteran ney, ganî seba pêro rojnameger, akademîseyen û şarî ra bêro wedartene. Hewl danê ke vernîya xebatê parlamenteran bigîrê. Nika nêzdîyê 10 parlamenterê ma nêeşkenê vejîyê teberê welat. Gelo no qedexe çira? Goreyê çi wina kenê. Parlamenterê Wanî Tayyîp Temel endamê meclîsê Ewropayî yo. Seba ke qedexeyê vejîyayîşê teberî esto, nêeşkeno beşdarê kombîyayîşan bibo, faliyetê qanûnî bibo. No qerarêke sîyasî yo. No qedexe, qedexeyêke seba îradeyê şarî ameyo kerdene. Ganî peynî vera îhlalkerdene heqan bêro dayene. Ma veng danê hukmatî ke fek nê qeraran vera bido."


	&nbsp;