
Mêrim Hovîlya: Ez wazena têkoşînê cinîyanê Kurdan nas bikerî 

2019-07-06 15:06:04


	&nbsp;

	Roj Hozan&nbsp;

	&nbsp;

	BEYRÛT - Nuştoxa Filanda Mêrîm Hovîlya ya bi endamê Komalaya Newroze dir kom dîyar kerde ke amancê pêvînayîşê aye bi cinîyanê Kurdan dir o yo ke têkilîyan xurt bikero û wina va: "Ez wazena tekoşînê cinîyanê Kurdan nas bikerî. Ez wazena ruhê Şorişê cinîyê Kurdan hîs bikerî."

	&nbsp;

	Cinîya Filandayî ya nuştox Mêrîm Hovîlya Lubnan de bi cinîyanê Endamê Komalaya Newroze kombîyayîş kerde. Mêrîme derheqê kombîyayîş û pêvînayîşê cinîyanê Kurdan Lubnanî de qisey kerde. Mêrîme va: "Ez zaf kêfweş a ke mi cinîyê wina bi hêz û îrade nas kerdî. Ruhê têkoşîn û fedakarîyê cinîyan ano verê yewbînan."

	&nbsp;

	'Mi her wext waştêne cinîyanê Rojawanê Kurdistanî bivînî'

	&nbsp;

	Mêrîme arde ziwan ke aye zaf kêfweş bîya seba cinîyê Kurdan nas kerda û wina va: "Mi waştêne ke cinîyanê Rojawanê Kurdistanî bivînî. Mi waştêne rewşa cinîyanê taqîb bikerî, têkiliyê mabêne înan de nas bikerî. Mi waştêne cinîyê Şorişê Rojawanê Kurdistanî &nbsp;û rêxistinbîyayîşê înan nas bikerî. Xora ez do wextêke nêzdîde şêrî Rojawanê Kurdistanî û nêzdî ra rewşa uca taqîb bikerî. Ez wazena têkoşînê cinîya Kurd e nêzdî ra nas bikerî."

	&nbsp;

	'Ruhê têkoşîn û fedakarîyê cinîyan ano têhet'

	&nbsp;

	Mêrîmê tewr peyîn wina va: "Ewro cinîyêke Kurd çayê dinya de bena wa bibo serkewtişê aye serkewtişê ma yo. Xora girêdayîşê ma yê bi cinîyanê Rojawakê Kurdistanî dir netîceyê têkoşîn û fedekarîyê cinîyan ano têhet. Cinîya Kurd dinya de yewina ke vera wehşetê DAIŞî de vinderta. Ma do heta peyîn taqîbkerdoxê xeta azadiya cinîyanê Kurdan bibê."&nbsp;