'Xoverdayîşê ma yê vera îşxalkerdişî do dewam bikero' 

2019-07-03 13:46:04


	 

	Tolîn Muhemed

	 

	ŞEHBA - Cinîyê Efrînî ke dewanê Şehbayî de bi ca bîyê, derheqê hêrişê dewleta tirkan serê Başûr û Rojawanî de vatî: "Ma do xoverdayîşê xo yê vera tehdîd û kerdişanê dewleta Tirkan dewam bikerê."

	 

	Tehdîd û hêrişê dewleta tirkan serê Başûr û Rojawanî dewam kenê. Derheqê babete de cinîyê Efrînijî ewnîyayîşê xo pare kerdî. Cinîyê Efrînijî vatî: "Tu tehdîd û hêriş do nêeşko ma xeta ma ya têkoşîn û xoverdayîşê rê bivisno."

	 

	'Ma do heyfê şehîdanê xo wedarnê'

	 

	Cinîya bi nameyê Almaz Hiso wina va: "Ma qetî tehdîdê dewleta Tirkan serê herra xo de qebûl nêkenê. Keyeyê Şehîdan û heme şarê Kurd do hesab pêro hêrişan persbikerî. Vengdayîşê ma heme şarê kurd dir esto ke destê xo yew bikerê û pey rêçê şehîdanê xo de bimeşê û heyfê înan bigîrê."

	 

	'Xoverdayîş do dewam bikero'

	 

	Endama Kongreya Stara Efrînî Emîne Silêmane wina va: "Wa Erdogan nêfikrîyo bi tehdîdê xo şarî bitersno. Şar ne şarê ke tehdîdan ra bitersî yo. Şarê Kurd her wext vera tehdîd û hêrişan sere wedarnê û do serewedartiş dewam bikero."

	 

	'Serkewtiş yê ma yo'

	 

	Henîfe Derwîşe zî wina va: "Ma cinîyê ciwan tehdîdê dewleta Tirkan serê xo de qebûl nêkerê, ma Efrîn de 58 rojan xoverdayîşê xo dewam kerd û ma do heta peynî xoverdayîşê xo dewam bikerê. Serkewtiş zî her wext ya ma yo, ya şarê azadîwaştox o. Ma do xoverdayîşê xo yê vera tehdîd û kerdişê dewleta Tirkan dewam bikerê. Tu tehdîd û hêriş do nêeşko ma xeta ma ya têkoşîn û xoverdayîş ra bivîno."