
KCD: Ma do qetî qirkerdişê Sêwazî xo vîr ra nêkerê û nêdê xovîrrakerdene 

2019-07-02 15:39:37


	&nbsp;

	AMED - Kongreya Komela Demokratîke (KCD) roşinvîrê elewî yê ke Qirkerdişê Madimakî de ameyî qetilkerdene serrgêra 26. ya qirkerdişî de yad kerdî

	&nbsp;

	Kongreya Komela Demokratîke (KCD) bi eşkerayîya nuştekîye vist vîrê ke Sêwas de roja 2ê Temmuza 1993î 33 roşinvîrî seba ke tewrê aktîvîteyanê Pîr Sûltan Abdalî bibê şîbî Otela Madimakî û rastê hêrişî ameyî. Roşinvîrî, pîya bi di wezîfedaranê otele bi paştîdayîşê dewlete hetê kîtle ra ameybî vêşnayene û qetilkerdene.

	&nbsp;

	Îzahat wina yo:

	&nbsp;

	“Zîhnîyeto qetilkaro ke Qirkerdişê Sêwasî kerd ewro bi îqtîdarê AKP-MHPyî yeno domnayene. Înan ke Qirkerdişê Sêwasî kerd mabênê înan û çeteyanê DAIŞî ke merdiman ganî-ganî vêşnene de ferqêk çîn o, her di zî eynî îdeolojîya dişmenîye ya merdimîye ra xo weye kenê.&nbsp;

	&nbsp;

	Serrgêra 26. de hema qirkerdişî de nêameyî têrî. No zî nêzdîbîyayîşê qirkedişî yê îqtîdarî ramojneno. Ma bi wesîleya serrgêra qirkerdişî reyna dej û hêrsê xo anê ziwan û bawer kenê ke qetilkar û paştgêrê Qirkerdişê Sêwasî do demo nêzdî de hesabê naye bidê. Ma Şexsê înan ke Qirkerdişê Sêwasî de cuya vînî kerde de heme şehîdanê demokrasİ yad kenê û sozê berzkerdişê mucadeleyî danê.’’

	&nbsp;