Cinîyê ke Festîvala Keda Cinîyan de stand akerdî: Ganî cinî beşdarê berardişî bibê 

2019-07-02 11:38:25


	 

	ENQERE - Enqere de Festîvala Keda Cinîyan virazya û cinîyan festîval de stand akerdî û berardişê xo pêşkêş kerdî. Cinîyan dîyar kerde ke berardiş înan kêfweş keno û veng da pêro cinîyan kerde ke beşdarê berardişî bibê.

	 

	3in Festîvala Keda Cinîyan hetê Şaredarîya Çankayayî virazya û 28ê hezîrane de dest pêkerd û 30ê hezîrane de peynî bi. Bi pêroyî 68 stand ameyî akerdene û nêzdîyê 600 cinî berardişê xo standan pêşkêş kerdî.

	 

	'Ma piştgirî danê yewbînan'

	 

	Cinîya bi nameyê Nagîhan Tuncere bi kîlê polîmer xişir viraznena û roşenê û eynî keyepelêke aye ya bi nameyê Dodermet Home esto. Seba kesan taybet xişir viraznena û derheqê standan û xebatê xo de qisey kerde û wina va: "Mi sey hobî dest pêkerd. Ez bi kîlê polîmer xişir viraznenê. Mi serê keyepelêke xerîb dî û bala mi ant. Mi dî ke berardişêke weş û bi weşîye yo. Bi kîlê polîmer berardiş û viraştiş zehmet o. Ma bi derzenî xebityenê. No sebr wazeno. Seba xişirêke qij di hîrê saetê ma derbaz benê. Berardiş zî seba cinîyan xeylê manayîn o. Ganî cinî vajê 'ma estê' û beşdarê berardişî bibê. Ma tîya piştdayîş danê yewbînan."

	 

	'Ganî cinî beşdarê berardişî bibê'

	 

	Cinîyan ra Bîrnur Siyakoye zî ke do stand abibo da zanayîş ke sey hobî dest bi boyaxkerdişî ahşabî kerda û va 2003an de dimayê ke teqawît bîya dest bi nê karî karî kerda. Bîrnure veng da pêro cinîyan ke ganî cinî beşdarê berardişî bibê, xo rê çîyan awan bikerê.

	 

	Işil Ozkole zî resiman serê çîyê cîya de nexş kena û arde ziwan ke aye zî dimayê ke banka ra teqawît bena, dest bi nê karî kena û sey hobî kena. Işile da zanayîş ke nika Haxana Pîlavoglu ya Keleha Enqereyî de di atolyeyê aye resiman estê û va yewin xebityena û a bîn de zî fînena ra.