Hemşaredarê ke mazbatayê înan nêameyî dayene: Rayîrê hêrîne rayîrê demokratîk akerd 

2019-06-29 13:49:44


	 

	WAN - Hemşaredarê HDPyî yê weçînayîşê 31ê adare de bi sebebê ke KHKyî ra kar ra ameyê eştene mazbatayê înan nêameyî dayene, dîyar kerdî ke vernîya demokrasî bi weçînayîşê Stenbolî ameyo akerdene û vatî rayîro hêrin, rayîrê komelê demokratîk akerdo û ganî ma wayîrê blogê demokrasî vejîyê.

	 

	Weçînayîşê 31ê adare de xeylê namzedê Partîya Demokratîk ya Şaran (HDP) bi sebebê hetê KHKyî ra ameyê eştene mazbatayê înan nêameyî dayene. Hemşaredara Artemîtî ya HDPyî ke 31ê adare de amî weçînayîş û bi sebebê KHKyî ya mazbata aye nêame dayene Gulcan Kaçmaz Sayyîgît bî. Gulcane da zanayîş ke pêro polîtîkayê çinhesibnayîşî yê AKP-MHPyî hetê muxalîf ê komelî zî bi tesîr kerdo.

	 

	'Rayîrê hêrîn rayîrê demokrasî akerdo'

	 

	Gulcane da zanayîş ke HDPyî weçînayîşê 31ê adare de bi stratejî xeylê şaredariyê bajarê girdan girewtê û wina va: "Kurdan weçînayîşê Stenbolî de zî blogê faşîst ê AKP-MHPyî da vindîkerdene. Bi xêrê stratejîyê HDPyî welat rayîrêke alternatîf ê hêrîn abiyo. Rayîrê hêrîn vernîya rayîrê demokratîkbîyayîşî akerdo."

	 

	'Weçînayîşê Stenbolî cewabêke pîl o'

	 

	Hemşaredara Tuşbayî Ayşe Mînaze zî da zanayîş ke bi sebebê KHKyî ra ameya eşkene mazbata aye nêameya dayene û va 31ê adare de îradeyê şarî nas nêkerdo, weçînayîşê Stenbolî de cewabê tewr pîl girewtê. Ayşeye da zanayîş ke aktorê tewr pîl weçînayîşî HDP bîyo û wina va: "Ma kilîtê tewr pîl girîng ê demokrasîya Tirkiye yê. Ma asayîşê demokrasîya welat ê. Bi destê YSKyî mazbatayê ma ameyî girewtiş. No darbeyêke pîl o. No skandalêke huqûqî yo. Bi weçînayîşê Stenbolî dir vernîya demokrasî abîyo. Ganî ma wayîr vejîyê."