
Gumanbarê ensestî û domana mexdur eynî salona roniştişî de îfade dayî! 

2019-06-28 13:33:38


	&nbsp;

	MÊRDÎN - Domana Mêrdînije rastê îstîsmarê zayendî ya mîyanê keyeyî amî. Ne avûkatan, ne zî psîkologê pispor salona dadgehî de mudaxaleyê persê serekê dadgehî yê îstîsmar meşrû kerdêne, nêkerdî.

	&nbsp;

	Mêrdîn de mabêne serrê 2014 û 2018an de camêrdo bi nameyê S.A (21) vera waye xo îstîsmarê zayendî kerd. Domane dimayê di serran rewşa xo keyeyê xo ra va û muracatê sucî kerde. Domane verê pisporan de îfadeyê ey ame girewtiş û dimayê ke îdiname ame amadekerdiş roniştişê yewin de 25ê Hezîrane de ame vînayene.

	&nbsp;

	Domane bêveng nêmende gerre kerd

	&nbsp;

	Ame zanayîş ke domane hem ensest û hem zî rastê şîdetê fîzîkî zî ameya û dima ra ke aye vato ez do keye ra vajî, gumanbar aye tehdîd kerdo. Dimayê ke domane hedîse kesêke keyeyê xo ra va, gumanbar S.A keye ra rema. Keye hedîse berd qerekole û gerre kerd. S.A cayê ke xo nimitbi ame tepiştiş û eşrawitî zindanê Tîpê E yê Edeneyî.

	&nbsp;

	Gumanbar û domane eynî salone de îfade dayî

	&nbsp;

	Dimayê ke îdianame ame amadekerdene roniştişê yewin 25ê hezîrane de Yewin Dadgeha Cezaya Giran ya Mêrdînî de ame vînayene. Gumanbar bi SEGBÎS zindan ra beşdarê roniştişî bi, domane zî maya xo dir amî salone. Domane bi psîkologa pispore dir roniştiş de ca girewte û wexto ke gumanbar zî îfade da domane salone de bî. Gumanbar îfadeyê îstîsmarî qebûl kerd û îdiayê derbkerdişî zî qebul kerd. Gumanbar pêro sucdarî qebul kerd û peynîya îfadeyî de tahlîye û berat waşt.

	&nbsp;

	'Organo zayenî temasê to kerd?'

	&nbsp;

	Dimayê îfadeyê gumanbar, îfadeyê domane ya salone de bî, seba ke binê emrê 18 de bî, bi vîdeo amî girewtiş. Pêwa psîkologa pispora ke verê aye de bî û gerek persan psîkolog pers bikerdêne, pêro persî hetê serekê dadgehe ra ameyî perskerdene. Persê sey ‘ti virane bîya, o viran bi?, Nê îstîsmar ça de ameyî kerdene, organo zayendî temasê to kerd? O wext to çîyêk hîs kerd?, wextê îstîsmarî de şîdet kerdêne?' pers kerd. La tewr balkêş o bi ke ne avûkat, ne zî psîkolog mudaxaleyî serekê dadgehe nêkerdî. Domane bi kelecan û lerznayîş îfade da û dimayê îfadeyî qerarê dewamkerdişê tepiştişê gumanbar ame dayne, roniştiş taloqê 8ê teşrîna verêne kerd.

	&nbsp;