Citkar Berrîn Ozturk: Ma hewl danê ke ramitiş serê lingan de verdê 

2019-06-27 11:31:45


	 

	AMED - Citkar Berrîn Ozturke, va tewr zêde cinî herra ra fam kena, la dimayê ke makîne kewtê cuya ma, ramitiş kewto binê destê camêrdan û plansazîyêke berardişî vuryayo, cinî kewtê sewîyeya diyîn. Berrîne arde ziwan ke xelisnayîşê ramitişî bi wayîrvejîyayîşê cinîyan ê kulturî mumkun o.

	 

	Berrîn Ozturke,  20 serrî yo Sakarya de citkarî kena, dîyar kerde ke dimayê makîne kewtê cuya merdiman, ramitiş kewto binê serdestîyê camêrdan cinî kewtê sewîyeya diyîn û keda cinîyan nîna vînayîş.

	Berrîne ard ziwan ke ganî cinî sey citkar ramitiş de ca bigîrê û wina va: "Cinî herre baş naskena. Ganî cinî nê adetî dewam bikerî. Dimayê ramitişî kewt destê camêrdan, plansazî zî vurya. Problemê cinîyan ê ramitişî de tîya dest pêkerd. Verê cinîyan toxim pawitêne, cinîyan planê berardişî kerdêne. La dimayê makîne kewtê cuya merdiman, her çî vurya. La gerek ma cinî wayîrê qadê ramitişî vejîyê."

	 

	Berrîne dewamê qiseykerdişê xo de da zanayîş ke seba krîzê ekonomî her çî goreyê pere yeno plankerdene û wina va: "Kamci berardiş vay bi ameyne girewtene û ameyne ramitiş. Coka cinî ramitiş ra xo antê. Ramitiş karekî zehmet o û kede wazeno. Xelisnayîşê ramitişî bi wayîrvejîyayîşê wareyê ramitişî mumkun o. No zî gerek cinî bikerê. Serra 2014an serra ramitişî bî. Verê krîzî ramitişî xo bi xo rayîra berdêne. Ma cinî hewl danê ramitiş serê lingan de bimano."