
Dadgeha ra seba gumanbarê îstîsmarê zayendî vistişê cezaya 'ameyoxî' 

2019-06-24 09:23:30


	&nbsp;

	Şehrîban Aslan

	&nbsp;

	AMED - Amed de şoforê serwîsa wendegehî M.F.Ç doaman ke gerek biberdêne wendegeh, vera aye îstîsmaro zayendî kerd û roniştişê qerarê dewa de, 8 serrî ceza amî birnayîş. La tesîrê ameyoxê gumanbar verê çiman de ame girewtiş û ceza vistî 6 serrî û 8 aşman.

	&nbsp;

	Amed de şoforê serwîsa wendegehî M.F.Ç aşma Adare de vera wendekarêke lîse îstîsmarê zayendî kerd û dimayê ke domane hedîse mamosteyê rehberî rê qalî kerde, vejîya meydan. Serê sucdarkerdişê mamosteyî dir, hetê Serdozgerîya Komare ya Amedî ra cigêrayîş ame destpêkerdiş û îdianame ame amadekerdiş zî hetê 4in Dadgeha Sulhî yê Amedî ra ame qebulkerdene. Îdianameyî de sucê ‘îstîsmarê zayendî yê doman', ‘Kes azadî ra bêpar verdayîş', 'Vera doman tacîzê zayendî' mabêne 8 û 15 serran ceza yena waştene.

	&nbsp;

	Şofor nêberd wendegeh, desteser kerd

	&nbsp;

	Îdianameyo ame amadekerdene de ca dayî îfadeyê domane ke Merkezê Taqîbkerdişê Domanan (ÇÎM) girewto. Îfade de yeno dîyarkerdene ke 27ê Adara 2019an de bi serwîse şîne wendegeh la şofor M.F.Ç aye nêberda wendegeh, binê nameyê geyrî de îstîsmar kerda. Eynî wextî de ame vatiş ke dimayê hedîse şoforî domane berda wendegeh, domane hedîse embaz û mamosteyê xo rê qalî kerda. Îfade de ame dîyarkerdiş ke pîyê domane zî gerre kerdo.

	&nbsp;

	Rapor de derbkerdiş ca girewt

	&nbsp;

	Gumanbar M.F.Ç zî îfadeyê asayîş de sucdarkerdene qebul nêêkerd û domane sucdar kerd. La raporê 27ê Adare de Nêweşxaneyê Dewlete ya Selahaddîn Eyyubî ra ameyo girewtene de zî ameyo tespîtkerdene ke qirike domane de rêçê birînan esto.

	&nbsp;

	Roniştişê qerarî

	&nbsp;

	Roniştişê qerarî yê 18ê hezîrane de ame vînayene M.F.Ç sucdarî qebûl nêkerd û berat û tehlîyeyê xo waşt.

	&nbsp;

	Heto bîn ra roniştiş de ame dîyarkerdiş ke domane nêwazena bi nê hedîse bêra vîrardene û gerreyê xo peyser ant.

	&nbsp;

	Mamosta Rehberî zî sey şahid amî goşdarkerdiş

	&nbsp;

	Mamosta rehberî zî sey şahid amî goşdarkerdiş û wina va: "Domane wendekara min a. Waşt bêro verê mi. Rewşa aye qet baş nêbî. Bermayne, lerzayne. Mi va se bi, aye zî va şoforê serwîse vera aye îstîsmarê zayendî kerdo. Ez bi mexdure dir seba raporî şîya nêweşxane. La qirîka aye de rêçe birîne estbî."

	&nbsp;

	Heyetê dadgehe qerarê xo de 8 serrî ceza birna la na ceza ameya dayîş tesîrê aye seba ameyoxê gumanbarî vistî 6 serrî û 8 aşman. Qerarê tepiştişê ey ame reynakerdene.

	&nbsp;