Bedîa Ozgokçe: Ma wayîrê gola Wanî vejîyê 

2019-06-24 09:20:38


	 

	WAN - Şaredarîya Bajarê Gird ya Wanî seba Gola Wanî ya seba lêşinî çinbîyayîşî dir ameya rî bi rî, rojanê hişmendîkerdişî organîze kena. Hemşeradar Bedîa Ozgokçe veng da pêro şarê Wanî û va: "Ma wayîrê gola xo vejîyê. Ma wayîrê ameyox û boya xo vejîyê."

	 

	Gola Wanî ke wayîrê vîyarteyê 600 hezar serrî ya, gola tewr pîl ê Tirkîyayî ya. La serrê peyîn de seba eşteyê qeraxê Erdîş, Artemîk, Tuşba û Westanî zaf lêşin bîyê.

	 

	Bi taybet Westanî de bi 25 serrî yo seba eşte yeno eştiş, texrîbatêke pîl awan kerdo û Tuşba de zî seba eşteyê fabrîkayê Herêma Organîze Sanayîyê bi hemkarîya çeman herêkeno gole. Xetereyê seba şarî roj bi roj pîl beno.

	 

	'Amancê ma awankerdişê hişmendî yo'

	 

	Şaredarîya Bajarê Girdî ya Wanî bi amancê bale bi anca serê lêşinî programêke hewteyêke viraznena. Hemşaredar Bedîa Ozgokçe da zanayîş ke bi amancê hişmendî awan bikerê nê bernameyan viraznenê  û wina va: "Ewro ma bi nê wesîle kêfweş ê. Bi rayberîya ma seba gole hîsgirîyêke baş awan bi. Ma nê bername cîya dewam kenê."

	 

	‘Gola Wanî mirena'

	 

	Bedîaye da zanayîş ke çopa qrexan kewena gole, Gola Wanî kişnena û wina va: "Eke eşteyê wina dewam bikerê, vernî do nêro girewtene, tesîso parzunkerdişî temam nêbo, do êdî vernî nêro girewtene."

	 

	'Gola Wanî boya ma ya'

	 

	Bedîaye dewamê qiseykerdişê xo de da zanayîş ke her kes lêşinîyê gole ra berpisîyaro û wina va: "Ma nê ardo na rewşe. Seba ameyoxê xo ma gerek tedbîrê ci bigîrê. Amancê programê ma noyo. Twîttê mi bi qerarê meclîsî şewa vîyarte eşt, ‘Gola Wanî boya ma ya' rastê eleqeyêke pîl ame. Ma xeylê bi STOyan qeraxê gole cigêrayîş kerd. Bi beşdarbîyayîşê STOyî ma komxebat meşna. Ganî her kes destê xo bikero binê sî. Ma do şîrove û fikrê her kesî bigîrê. Komxebata ma de zî pêşnîyarê weş vejîyayê meydan. Têkoşînê ma wext derg o. Ma do gola xo bipawê, boya xo bipawê."