Darê gilyazan Mêrdîn de sey verê berardiş nêdanî 

2019-06-22 11:21:51


	 

	MÊRDÎN - Mêrdîn de bi ameyîşê hamnanî dir baxçeyan de gilyaz resayî û bazar û ser rayîran de cayê xo girewtî. La emsar seba şilîye darê gilyazan tay berardiş dayî. Cinîyê kedkar dîyar kerdî ke emsar seba berardişê înan kêm o, heqê keda xo nêgirewtê.

	 

	Serê rayîrê Stewrî de cayêke bi nameyê Zinar de baxçeyê gilyazan de cinî xebityenê. Cinîyan dîyar kerdî ke seranserê rojî xebityenê la gilyaz hende berardiş nêdayê û ameyîşê gilyazan zaf kêm bîyo.

	 

	'Emsar zêde berardiş çin o'

	 

	Cinîya bi nameyê Mulkiye Admişe ke gilyazan kom kena wina va: "Dar xo bi xo pîl benê. La ewnîyayîş û awdayîşê înan esto. Dimayê varano ke varano ma peynîya wisar û destpêkê hamnanî kom kenê. Emsar berardiş zêde çin o. Xeylî gilyazî xira bî. Seba vatanî ma cot nêkerd. Coka berardiş kêm bî. Ma înan kom kenê û roşenê. Ma eşrawenê bajarê bînan. Gilyazê ma weş ê. Xeylê kesî menga wesarî de yenê tîya seba gilyazan.”

	 

	'Ma vera keda xo nêgînê'

	 

	Yuksel Cirike zî bale ante serê şert û mercê xebatan û wina va: "Bi seyan darê gilyazan estê. Ma bi rojan kom kenê. Ma serê siba saete 06.00’an de yenê û şan de heta 19.00’an kom kenê. Kar zehmet o. La emsar berardiş kêm o û ma vera keda xo nêgînê."

	 

	Mizgîn Admişe zî bale ante serê qelsbîyayîşê berardişî û wina va: "Wexto ke zêde bê ma sindoqan roşenê. Yê ke manenê zî ma benê keyeyê xo. Yê ke gênê zî cîya xebitnenê. Kenê reçel, awa fêkîyan û ûsn. Xêrcê sûran ê zerd zî estê. La emsar berardişê seba varanê kêm ê. Ma emsar erdê xo baş cite nêkerdê.”