Merkezê Kulturî yê Şemrexî, hîbeyê Wezaretê Perwerdeyî ame kerdene 2019-06-22 10:21:17   MÊRDÎN - Şaredarîya Şemrexî ke dimayê weçînayîşan destê qayûm ra amî girewtiş ra dima vejîya meydan ke pêroyî 3 mîlyon deynê şaredarî estê û ame musayîş ke merkezê kulturî yê ke qeza de amebi akerdene zî aşmêk verê weçînayîşan hîbeyê Wezaretê Perwerdeyî ameyo kerdene.   Qezaya Şemrexê Mêrdînî ke weçînayîşê 31ê Adare de HDPyî bi rayêke zêde şaredarî qayûm ra girewt, dimayê hemşaredaran mazbatayê xo girewtî û şî la şaredarî şekirê çaye zî şaredarî de nêdîyê. Şaredarîya ke hîrê serran hetê qayûm ra amî îdarekerdiş û verê berê şaredarî açerya qerekol, ame zanayîş ke pêro îxale û şîyayeyê wextê qayûm ameyî pak kerdê. Şaredarîya ke nîna zanayene xeylê şîyaye seba çi ameyê xerckerdiş, 3 mîlyon û 434 hezar TL deyn ameyo verdayîş.   Merkezê Kulturî ameyo hîbekerdene   Vejîya meydan ke xebatê prosesê qayûm de temam bîyê zî şîyayê înan nêameyo dayîş û tena seba gangolek û hacetê parqî yê seba 30 dewijî 664 hezar TL pere ameyo dayane. Verê nê de vejîya meydan ke merkezê kulturê qeza ke hetê qayûm ra bi 2 mîlyon û 700 TL ameyo viraştene zî aşmêk verê weçînayîşan hîbeyê wezaretê perwerdeyî ameyo kerdene.