
Agirî de rîyê laser û vireyan ra dayîkêke û domanê aye cuya xo vindî kerdî 

2019-06-18 13:46:17


	&nbsp;

	AGIRÎ - Qezaya Giyadînî ya Agirî de rîyê laser û vireyan ra 2’yê înan domanî 4 kesan cuya xo vînî kerde.

	&nbsp;

	Qezaya Giyadînî ya Agirî de vizêr varayîşê torge û şilî ra laserî werîştî û vireyî virsayî. Rîyê laser û vireyan ra 2’yê înan domanî 4 kesan cuya xo vînî kerde. Naîme Polata ke pîya bi domananê xo Mûsa (11) û Pinare (4) erazî de vaş arê dayêne laser de xeniqyayî.

	&nbsp;

	Serê zanayîşê welatîyan de Jandarma, AFAD, ekîbê weşîye û ekîbê îtfaîya ameyî cayê hedîse.

	&nbsp;

	Netîce geyrayîşê ekîban Naime Polat û domanê aye ameyî vînayene. Ekîbê weşîye cenazeyê doman û dayîke wedarnayî Nêweşxaneyê Dewlete ya Giyadînî. Merdimê dayîke û domanan verê berê nêweşxane de zaf xemgîn bî û bermayî.

	&nbsp;

	Hetê bînî ra hemwelatijo bi nameyê Nûrûllah Yardimci zî netîceya pirodayîşê vireyî de cuya xo vînî kerde.

	&nbsp;