11 serrî de amî qetilkerdene sey terorîst amî îlankerdene: DDB muracat red kerd 2019-06-17 13:43:14   MÊRDÎN - Mîdyat de 22 sal verê domana bi nameyê Fatma Erkane hetê leşkeran ra amî qetilkerdiş û sey pêrodayîş ameyo cuyayîş sîleh dabî kîşte aye. Avûkatê ÎHDî Mêrdîn de têkoşînê huqûqî seba Fatmaye meşnayene Gulanê 2017 de muracatê DDBî kerdî muracat ame redkerdene.   Dewa Çalpinarê Mîdyatî Mêrdînî 1995an de domana bi nameyê Fatma Erkane ke 11 serrî bî wexto ke bi embazanê xo dir kay kerdêne hetê leşkeran ra amî qetilkerdiş û sey ‘teror’ îlankerdene. Sey ke pêrodayîş amebi cuyayîş ramojnayî û keleşkof dabî ver. Dimayê hedîse dewayê ke ameyî akerdiş de zî qerarê ‘bêwezîfe, ‘qelsî’ ameyî dayîş. ÎHDyê Mêrdînî Gulana 2017an de Dadgeha Desturê Bingeyîn (DDB) muracatê sucî kerd û dimayê di serran cewabo ame dayîş de muracatê sucî ame redkerdene. Avûkatî xo amade kenê û dewa berê Dadgehê Heqê Merdiman ê Ewropa (DMME).   'Endama rêxistine' Îlan kerdî   Dozgerîya Komara ya Mîdyadî Fatmaya qije ke lingê aye warway, verê aye de cotike telik estbî û serê aye de eteke estbî, ‘endama rêxistinê’ îlan kerdibî. Dima ra zî qerarê ‘bêwezîfe’ dayî û dosya eşrawitî Serdozgerîya Komara ya Amedî. Sibata 2014an de bi îdiayê Fatma pêrodayîş de hetê leşkeran ra ameya qetilkerdiş, dewa amî akerdene. La serdozgerîya Komare ya Amedî qerarê ‘qels’ dayî û reyna dosya eşrawitî Serdozgeriya Komara ya Mîdyadî.   Cenaze nêdayî keye   2017an de ÎHDyê Mêrdînî, DDByî rê muracatê sucî kerd. Muracatê sucî ke ame kerdene de ame vatene ke cenazeya Fatma nêdayê keyeyê aye. La dimayê qerarê di serran ra dima ame dayîş de, muracatê sucî ame redkerdene. Avûkatî dimayê nê qerarî do dewa berê Dadgeha Heqê Merdiman ê  Ewropayî (DMME).