Tirkîya de heywankarî qedîya ya 

2019-06-15 11:09:51


	 

	Gulîstan Azak

	 

	AMED - Tirkîya ke 10 serrî yo goşt îthal kena, babeta berardişê şit de zî mîyanê welatê dinya de rêza peyîn de ca gêna. Berardoxê şitî yê şîyayîşê êmî nêeşkenê îthal zî bidê, çare bi rotişê sewalan vînenê.

	 

	Tirkîya de 10 serrî yo goşt yeno îthal kerdene. Goreyê raporê pesdewarî yê Odeya Muhendîsê Zîraatî, Tirkîya 2018an de tena mabêne mengê çele-gulane de 566 hezar û 391 heywanê gane îthal kerda. Tirkîya berardişê şit de zî welatê dinya de rêzê peyîn de ca gêna. Goreyê nê Tirkîya 3 ton û nîm, Amerîka 10 ton, Ewropa zî 8 ton û nîm şit kena bi dest.

	 

	Pêwa hende îthîlatî ne vayîye şit ne zî ê goştî ame erjankerdiş. Ne zî heywanî ameyî zêdekerdiş. Seba ke êmê heywanan zî îthal o. Coka dayeyê şit zî qîmê şîyayîşê êmê îthal nêkeno. Coka heywanan roşenê.

	 

	'Heywankarî qedîyayo'

	 

	Cinîya bi nameyê Sacîde Varsak da zanayîş ke berardişê şitî qîmê şîyayê înan nêkeno û şito ke ameyo na sewîyeya berardişî, qezencê ci zî kewto. Sacîdeye ard ziwan ke babeta şit de ganî piştdayîş bêro dayene û wina va: "Êdî îmkanê şitî û rotişê ci de qezenc nêmendo. 7 mangayan ra 5 kîlo şit nîno. Berardişê şit û heywankarî qedîyayo. Ma ameyê sewîya ke nêeşkenê lazimîyê xo çareser bikerê. Her çî vay bîyo."