Cinîyê Şengalî yê Koyî Serdeştî: Ma wazenê ageyrê dewa xo 

2019-06-15 10:11:53


	 

	Viyan Seîd / Nesrîn Hesen

	 

	ŞENGAL - Dimayê ke DAÎŞî 3ê Tebaxa 2014an de hêrişî Şengalî kerd dima ra xeylê kesî Koyê Serdeştî de bi ca bî. Pêwa pêro zehmetîyan kesê ke vera hêrişê DAÎŞî Koyê Serdeştî de bi ca bibî nika, çadiran de têkoşînê cuye danê. Cinîyê ke çadiran de têkoşînê cu danê wina vatî: "Têkoşînê ma dewam keno. Pêwa pêro zehmetîyan ma xo ver danê."

	 

	Dimayê ke DAÎŞî 3ê Tebaxa 2014an de hêrişê Şengalî kerd dima xeylê kesî Koyê Serdeştî de bi ca bî. Pêwa pêro zehmetîyan kesê ke seba hêrişê DAÎŞî Koyê Serdeştî bi nika çadiran de têkoşînê cu danê. Cinîyê ke çadiran de têkoşînê cu danê wina vatî: "Ma zaf zehmetî ancenê la ma xo ver danê. Ma wazenê newe ra dewa ma bêra awenkerdiş û şorê dewa xo."

	 

	'Pêwa pêro zehmetîyan cuya serê herra merdiman bi erj o'

	 

	Cinîya bi nameyê Erzan Xwededa Qasim wina va: "Cuya ma zehmet a. Hem zimistan hem zî hamnanî ma zehmetîyê pîl ancenê. Ma wazenê dewa ma newe ra bêro awankerdene û ma ageyrê dewa xo. Hukmatî babeta awankerdişê dewe de heta nika çîyêk nêvato. Pêwa pêro  zehmetîyan cuya serê herra merdiman bi erj a. Ez veng dana pêro Êzidîyan ke ageyrê serê herra xo."

	 

	'Yê ke hetkarîya ma kerdî şerwanê azadî yê' 

	 

	Cinîya bi nameyê Sêvê wina va: "Cuya ma zaf zehmet a. Çi zimistan çi hamnan her wext ma zehmetî ancenê. Bi 5 serrî yo ma tîya yê. Hukmat hetkarîya ma nêkeno. Yê ke hetkarîya ma kerdî şerwanê azadî yê. Heta nika zî hetkarîya ma kenê. Ma destê çeteyan ra xelas kerdî. Hetkarîya tewr pîl rexistinkerdişê komelê Êzidîyan bi. Ma reyna zaf kêfweş ê ke serê herra xo de cuyenê. Ma wazenê ke Şengal awan bibo."

	 

	'Ma wazenê ageyrê dewa xo'

	 

	Cinîya bi nameyê Bitim Silemane zî wina va: "Bi taybet zî cuya cinî sey Koyê Şengalî zehmet a. Nika germ o û zaf zehmetî ancenê. Bi 5 serrî yo ma çadiran de cuya xo dewam kenê. Êdî ma wazenê dewa ma bêra awankerdene û ma ageyrê dewa xo."