'Ma do dêsan birijnê'  

2019-06-12 16:04:48


	 

	
		
			
				
					
						
							Hesna Muhemed
						
							ŞEHBA - Cinîyê Efrînî ê dewa Wehşîyî ya qezaya Fafînê Şehbayî serê viraştişê dêsî û vurnayîşê demokrafîkê Efrînî de qisey kerdî û vatî: "Cinîyê Efrînî vera kerdişê dewleta tirkan sere nêtewênenê û ma do bi serberz ageyrê Efrîn."
						
							Dimayê hêrişê dewleta tirk û komê girêdayê aye ra şarê Efrînî Şehbayî de bi ca bî û xoverdayîşê xo uca dewam kenê. La dewleta tirkan fek kerdişê xo yê serê Efrînî vera nêda û êdî dest bi vurnayîşê demokrafîg kerd û eynî wextî de dês mabêne Şehba û Efrînî de viraşt. Derheqê babete de cinîyê  Şehbayî vatî: "Ma dêsan ra nêtersenê. Xozaya ma veşnenê la ma do bi têkoşînê xo xozaya xo reyna zergûn bikerê."
						
							'Cinî her wext pawitişê komelê xo kena'
						
							Xunav Muhemede wina va: "Wexto ke dewleta tirkan hêrişê Efrînî kerd, vernê de cinîyan hedef girewt. Semedo ke cinî bingehê komelî yê. Waşt bi hêrişê serê cinîyan şarê Efrînî çin bikero. La cinîya kurd wayîrê heqê xo vejîya û nê hêrişan qebul nêkerd. Coka verê xo da Kantonê Şehbayî seba pawitişê komelî xo yê kerdişê dewleta Tirk."
						
							'Cinîyê Efrînî do dêsan birijnê û ageyrê Efrîn'
						
							Emîne Ebdo zî hîsê xo yê vera girewtişê sînorê mabêne Efrîn û Sûriye de wina va: "Dewleta tirkan bi bombebaranê teyareyan waşt ma çin bikero. Ma bi zor Efrîn ra vejîyayî, nika zî bi awankerdişê sînoran wazena ma bitersno. La ma cinîyê Efrînî dêsan ra nêtersenê, ma do dêsan birijnê û ageyrê Efrîn."
						
							'Ma do xozaya xo newe zergûn bikerê'
						
							Almaz Elî zî serê veşnayîşê xozaya Efrîn û vurnayîşê demografîk qisey kerde û va: "Dewleta tirkan erdê ma, zeytûnê ma diznayî. Ma koçberê Şehbayî kerdî, nika zî xoza, ko û darê zeytûnan veşnenê. La îradeyê ma bi veşnayîşê nêşikêno û dewleta Tirkan se kena wa bikero ma do ageyrê Efrîn. Ma do xoza newe ra zergûn bikerê."