'Ma heta nika zehmetîyêke wina nêant' 

2019-06-11 13:52:05


	 

	AMED - Cinîyê ke verê Turbeyê Hz. Suleymanî qezaya Sûrî ya Amedî ku berardişê keda destê xo roşenê dîyar kerdî ke seba krîzî wextê zehmet cuyenê û vatî qetî wina zehmetî nêantê.

	 

	Turbeya Hz. Suleymanî Sûrê Amedî de ya, rastê eleqeyê pîl ê şarî yena. Cinîyê ke nameyê xo nêdayî û verê turbe de esnafî kneê zî seba krîzê ekonomî bi reaksîyon ê û vatî bi serrêke nêeşkenê tu çîyêke biroşê.

	 

	'9 nufus do senîn mird bibê'

	 

	Cinîya ke 20 serrî yo turbeyê berardişê destê xo viraznena û roşena wina va: "Ez Sûr de nişnayne ro. Dimayê qedexeyê tebervejîyayîşê kuçeyan ma mecbur mendî ke bar bikerê. Ez nika taxêke bîn de nişnena ro. Tay dûrî yo la ez reyna her siba yena. Ez tîya sey kargerîya xo vînena. Ez laçeg, lîfan, papik û xewlîyan viraznena û roşena. Verê ma debara xo kerdêne. La nika çîyêk nîno rotiş. Mêrdeyê mi teqawît o. 7 domanê mi estê, kar geyrenê. Ma do 9 kesî senîn binê pere pîzeyê xo mird bikerê."

	 

	'Ez debara keyeyê xo kena'

	 

	Cinîyêke zî 3 serrî yo uca de berardişê xo roşena wina va: "Demêke derg o Sûr de nişnena ro. Kar çin o. Doman û mêrdeyê mi kar nêvînenê. Ez zî mecbur tîya xebityena. Bi nê karî hewl dana ke debara keyeyê xo kena. Do heta key wina bo nêzana."

	 

	'Ma zehmetîyê krîzî vînenê'

	 

	Cinîyêke bîn zî dîyar kerde ke mêrdeyê aye çin o, hîrê domanê aye estê û wina va: "Bi serrêke tîya xebityena. La seba krîzî karê ma zî nêbeno. Ez nexş û berardişê bînan viraznena roşena. Ez bi nê karê xo kena. Reyan ma çîyêk zî nêeşkenê biroşê."

	 

	'Reyan 1 TL zî seba ma girîng o'

	 

	Cinîyêke bîn zî nebat û baharatan roşena û wina va: "Ez nebatan qezaya Pîranî ra kom kena û ana. Her yew cîya cîya şîfa înan estê. Ez bi nê karî debara xo kena. Reyan merdim vanê ma bi nê debar beno. Ez vana reyan 1 TL seba mi pir girîng o. La demê peyîn de seba krîzî karê ma nêbeno."