
Biluskî da piro û bi seyan donim mehsulê cew û xele vêşîyayî 

2019-06-10 13:27:52


	&nbsp;

	ÊLIH - Bajarê Êlihî de netîceyê pirodayîşê biluskî de bi seyan donim mehsulê cew û xele vêşîyayî.

	&nbsp;

	Vizêr bajarê Êlihî de firtone werişt û dima ra varan vara. Weriştişê firtoneyî ra dima cereyan birîya û çilayê trafîkî zî hewna biyî. Hewnabîyayîşê çilayanê trafîkî vera trafîk têmîyan bî. Herêma Bati Ramanî ya Êlihî de zî bilusk da piro û netîceyê firtone û biluskî de mîyanê mehsulê cew û xeleyan de şewat vejîya.

	&nbsp;

	Firtone vera şewat wextêko kilm de gird bî û şewat heta dewa Cegeluyî û bîrê Petrolî yê Bati Ramanî vila bî.

	&nbsp;

	Dewijê dewe pê îmkananê xo mudaxaleya şewatî kerdî. Dima ra ekîbê adir hewnakerdişî yê Şaredarîya Êlihî û TUPRAŞî sewqê herême ameyî kerdene û badê di saetan şewat ame hewnakerdene. Netîceyê pirodayîşê biluskî de bi seyan donim mehsulê cew û xele vêşîyayî.&nbsp;

	&nbsp;