'Bi keda destan ancax kulturê ma dewam bikero' 

2019-06-10 12:08:42


	 

	MEXMÛR - Maya bi nameyê Qumrî Tunça ke bi keda destê xo punc, lûfik, qazaxan viraznena vana: "Her karêke zehmetîyêke ci esto. La tewr weş keda bi destan o."

	 

	Cinîyê Kurdan tarîx ra heta nika her wext bi keda destê xo hewl dayê ke serê lingan de vinderê û lazimîyê înan kesî rê nêmaneno. Cinîyê ke her wext bi keda destê xo serê lingan de mendê, tarîx de cayêke taybet girewtê. Yew cinîya Kurdan ra kedkare cinîya bi nameyê Qumrî Tunçe dewa Mijinî yê Qilebanê Şirnexî r aya û serra 1994an de koçê Mexmûrî Bajarê Başûrê Kurdistanî bîya. Qumrîye bi keda destê xo punc, lûfik, qazaxan viraznena û eynî wextî de kulturê xo yê kan zî dewam kena. Qumrîye derheqê keda destan de wina va: "Eke ma sey cinîyan wayîrê keda destê xo vejîyê, do kulturê Kurdewarî zî qetî vindî nêbo."

	 

	'Ma cil û belgê xo peşmê pesî ra viraştêne'

	 

	Qumrîye derheqê cuya ke dewe de derbaz kerdê de wina va: "Zemanê verê de ma cil û belgê xo peşmê pesî ra viraştêne. Ma peşmî ardêne şitêne, weçînayne û kerdêne sey la. Ma ci ra punc, qazax, çente. Dimayê ke ma bî multecî û heta nika êdî sey verê peşmî nîno xebitnayîş. Her ke şono kulturê verê bi çinbîyayîşî rê şono."

	 

	'Bi keda destan ancax kulturê ma dewam bikero'

	 

	Derheqê kulturê Kurdewarî de Quriye wina va: "Kulturê Kurdewarî yê ke ma pîr û kalanê xo ra musayî zaf taybet û girîng o. Çîyê ke nika ez bi keda destê xo viraznena, eynî wextî de semedê pawitişê kulturê min o. Bi keda destan ancax kulturê ma dewam bikero. Her karêke zehmetîyêke ci esto. La tewr weş keda bi destan o. Eke ma sey cinî keda destê xo wayîr vejîyê do kulturê Kurdewarî zî qetî vindî nêbo."